Bynñiaw ka KSU ba rem ka bai kali na Jowai Wapung

Syllad | The Rising MeghalayaFebruary 14, 2021

Ka KSU Wapung Unit kala pynpaw ka jingbynñiaw kaba khraw halor ka jingrem ka bai kali na Jowai sha Wapung kaba la kot haduh 100 shi khlieh.

U vice president KSU u Nidalut Siangshai bad u general secretary Shwari Ryngkhlem haka 12 atrik une u bnai ki la leit ban ia kynduh ia u DTO, East Jaintia Hills hadien ba ka AJTCVA ka la pynmih ia dor bai kali kata T. 100 tyngka na Jowai-Wapung.

Kila pynpaw ba shuwa ka lockdown ka bai kali ka long T.60 tyngka.

U DTO u la iathuh ba ia ka kali 5 seater ka long 18 shi kilometer.

“Ka jingjngai na Jowai sha Wapung ka long tang 21.8 kilometers bad ym iahap shuh bad ka dor ban siew haba khein ba kata ka T.18 shi kilometers ba lah pynmih hukum da ka sorkar namar ba kane ka bai kali thymmai kan ktah ia u duk u suk ba leit bylla ja kpoh bad ia ki khynnah skul kiba leit wan man ka sngi,” la ong ka KSU.

Ka KSU Wapung Unit ka kyrpad iaka AJTCVA ba kim dei ban shim kabu ia ki nongleit nongwan haba ki shong kali bad bud ia ka hukum ka sorkar ban shim bai kali khnang ba kan nym ktah ia kiba duk kiba suk. Lada ka bai petrol/diesel ka kiew dor hynrei ia ka bai kali pat kim dei ban pynkiew palat.