Bynñiaw ka KSU ba suki ka jingtrei Entry & Exit Point ha Malidor
KHLIEHRIAT: Ka Khasi Students Union (KSU), Jaintia Hills District Unit ka la pynpaw iaka jingsngewkhia halor ka jingpynslem ka sorkar jylla ban ioh iaka jaka naka bynta ban pynieng iaka khyrdop rung bad mih (Entry & Exit Point) kaba don ha Malidor East Jaintia Hills.
Haba buddien ia kane, ka KSU hynne ka sngi kala leit iakynduh ia u Deputy Commissioner ka East Jaintia Hills u Bah FM Dopth naka bynta ban leit wad jingtip halor ka jingiaid shakhmat ka kam kaba iadei bad ka jingpynieng iaka khyrdop hakatei ka jaka.
Haba iakren bad u khliehduh ka District, ula ong ba ladon ka jaka kaba ka jingheh ka jong ka ka long haduh 60000 sq.ft hynrei ka jingpynslem ban shimti iakatei ka jaka ka daw namar ka jingrem palat ka dor kaba la kot palat T.2 klur tyngka.![](https://syllad.com/wp-content/uploads/2019/08/Wellness-Lanscape.jpeg)
![](https://syllad.com/wp-content/uploads/2019/08/Wellness-Lanscape.jpeg)
Ha kaba iadei bad ka District Task Force pat ula ong ba kane kan treikam ynda ladep ban shna iaka Entry and Exit Point. U DC ula ai jingmut ruh iaki dkhot ka KSU ban leit ia kynduh ia u Director ka Tnad Tourism namar kadei ka Nodal Office ka ban peit iaka jingbei pisa naka bynta ban thied iaka jaka ban pynieng iaka khyrdop.
Ki Nongialam KSU kila pynpaw iaka jingsngewdiaw ban iohi ba ka jingthmu ban pynieng iaka khyrdop ha Malidor kala long kaba suki shaba palat ha kaba wat tang iaka jaka ban pynieng khyrdop ruh ka sorkar kam pat lah ban pynioh.![](https://syllad.com/wp-content/uploads/2019/08/North-Liberty-HSS-Admission.jpeg)
![](https://syllad.com/wp-content/uploads/2019/08/North-Liberty-HSS-Admission.jpeg)
“La bunsien ngi la wan ban buddien ia kane ka kam, hynrei ngi la lap pynban ba kajuh beit ka jingeh kata ka long ka jingbym ioh pisa ban thied jaka” la ong u Streamlet S Niangti Finance Secretary KSU Jaintia Hills District unit.
“Lashai ka sngi kadei ka sngi kaba khatduh ba ka Assam kan pynmih khatduh iaka Final Draft jong ka NRC, khlempep kan sa don ka jingrung tuh jong ki mynder shapoh ka Jylla jong ngi” la ong shuh shuh u nongialam ka Seng.
Ka KSU ka kyntu iaka sorkar ban pyniaid noh wut wut iaka kam shakhmat khlem pynslem khnang ba ka jingrung jingmih jong ki mynder shapoh ka jylla kan nymioh laitlan palat.
Kiwei pat ki nongialam kiba iadonlang ha kane ka sngi ki long u K Suchiang Publicity Secretary KSU JHDU, Satly Ryngkhlem Vice President KSU Khliehriat Circle, Cherity Suja General Secretary KSU JHDU bad kiwei kiwei pat ki nongialam ka KSU.![](https://syllad.com/wp-content/uploads/2019/08/KHWAI-DOHKHA.jpeg)
![](https://syllad.com/wp-content/uploads/2019/08/KHWAI-DOHKHA.jpeg)
Leave a Reply