Bynñiaw ka KSU Mynksan Unit halor ka jingthud ka rukom shondur MHIS ha shnong Mynksan

Syllad | The Rising MeghalayaJune 11, 2019

JOWAI: Ka KSU Mynksan Unit West Jaintia Hills District lyngba u kyrwoh bala phah u General Secretary KSU Mynksan Garland S Manner, ka pynpaw ia ka jing sngew bynñiaw halor ka rukom shondur Megha Health Insurance Scheme (MHIS) haka shnong Mynksan namar ba bun ki paidbah kim ioh lad ban shondur wat haba ki la ap baroh shi sngi nalor ba kila pep ki jingtrei baroh shi sngi namar ba ladep ban pyrta shnong ban wan ki nong shondur MHIS, ka skim ban ïoh jingiarap haba pang ba shitom.

Ka KSU Mynksan kala pynpaw ka jingsngewsih namar ba watla ki paidbah kila ap baroh shi sngi kim ioh lad ban shon khamtam ia kito ki ba sah trei bylla sha jngai ban wan khnang ha shnong ban ioh shondur, namar ba ki briew kiba trei ne ki nong shondur ki iathuh bym biang ka network, ka light kaba pynthud iaka kam shongdur jong ki paidbah ban pynrung kyrteng ha ka MHIS.

Ka KSU kala pynpaw ba kane ka jingpynrung kyrteng MHIS ha katei ka shnong kala thud bad ki briew kibym pat dep ban shondur ki hap ban leit shon sha ki Block ban ioh ia kane ka card.

Ka KSU Mynksan Unit ka ban jur na ka tnad ka koit ka khiah ba dei peit ba ka dei ban phah kloi biang ia ki briew jong ka sha ki shnong ki bym pat dep ban shondur khnang ba kiba duk ba suk kin ban pynrungb kyrteng bad myntoi na ka MHIS.