Bynñiaw ka NBAJAC ba lip bording khah khah, ïoh ding tang 20 minit shi sngi

Syllad | The Rising MeghalayaApril 5, 2019

KHLIEHRIAT: Ka Narpuh Border Area Joint Action Committee (NBAJAC) ka pynpaw ia ka jingsngewsih kaba khraw na ka daw ka jingduh bording ha ki thain Narpuh bad ka daw ka jinglip light ym don bal ah pynthikna. Ka jingduh ka bording ha katei ka thain kalong kaba man ka sngi kaba wanrah ka jingeh kaba khraw ia ki paidbah nongshong shnong naduh ki khynnah skul kiba don ha ki jingpule, ki PHC, bad ka jingduh nong kaba khraw khamtam ia kito kiba pyndonkam da ka light ia ka  jingshet bad jingtrei jingktah jong ki.

U Bah Minot Sympli, Vice Chairman Ka NBAJAC uba long ruh u Waheh Shnong ka shnong Chiehruphi u pynpaw ka jingsngewsih bad jingsngewdiaw halor ka jingduh bording ba khah khah haka thain Narpuh naduh ka Shnong Nongsning, Mynkre, Chiehruphi bad haduh Ratacherra. “Haka shisngi ngi ioh light tang 20 minit, hynrei ym tip na kaei ka daw ba thud ka bording haba ym donkam jingmaramot ne duh ki line ha katei ka thain,” ong u Bah Minot.

Une u rangbah ula kynnoh ba ka ka MeCEL ka ai bor ding tang sha ki cement factory kiba don ha thain Narpuh bad ka pynduh pat ïa u paitbah nongshong shnong.

Ka NBAJAC ka kyntu ia ki bor pyniaid jong ka MeCEL kidei ban pynbiang ia ka bor ding ha ka thain Narpuh bad lada ym lah ban pynbiang ding kin shim da kiwei ki rai kiba tyngeh.

U Daiapherbha Lamare uba long u Secretary ka NBAJAC, ula ong ba ka Load Shedding ka treikam naduh 9:00 PM haduh 12:00 AM ha Narpuh, hynrei ka MeCEL kala shim kabu shaba palat da kaba pynduh bording palat iaka por kaba ka pynbna ha ka shisngi ha katei ka thain.