Byrthen iakhih ki nongthang bording haka shnong Iooksi bad rai ban nym siew bill light

Syllad | The Rising MeghalayaOctober 28, 2020

Ka  jingialang jong ki nongshong shnong ka shnong Ïooksi kala shim ïaka rai ban iakhih paidbah lada ka MeECL kam shimkhia ban pynbeit iaka bill light jong ki nongshong shnong.

Ki nongshong shnong ka Iooksi lyngba ka Iooksi Village Energy Committee  hapoh ka jingialam u M Syngkon Chairman bad u D. Nongrum kila rai ban kim siew bai bording (bill light) haka sngi ba pynbeit da ka ophis haka 29.10.2020 na kadaw ba ka ophis ka shna thurmur ïaka bill light.

Katkum ka report na ki paidbah don katto katne ngut ki longïing ki bym poi bill bun bun bnai don ruh ki longïing ki bym poi bill light da ki snem.

Ka la don ruh ka jingshah ot ïaka light da ki briew ka ophis wat lada ki briew ki la siew tista ïaka bill light.

La ïoh ruh ka report na ki paidbah ba u metre reader ula leh shiliang khmat ha kaba u shna ïaka bill light khamtam na ka bynta kito kiba u don jingïadei.

Bun ki briew ki la sah b kim lah ban siew ïaka bill na kadaw ba hadien ba la dep register ïaka light ka ophis ka la pynslem ban shna bill light haduh bun bun bnai wat da ki snem ruh.

Halor kine ki jingeh ka Ïooksi Village Energy Committee ka la wan ïakynduh bunsien ïa u Assistant Engineer ha Shangpung bad la wan ïakynduh ruh ïa u Executive Engineer ha Jowai ar bnai mynshwa na ka bynta ban pynbeit ïa kine ki jingeh bad kyrpad ban pynïoh ïaka list ki nongthang light hapoh ka Shnong bad haduh mynta ym pat ïaka list ki consumer.

Ka committee ka la sngewkhia ba ka sorkar kam lah thung ïa u Lineman bad Jungle hynrei ka bill light pat ka la kiew shaba palat u pud kaba long kumba Rs. 2000/- haduh Rs. 3000/- da ki BPLM bad ka jingduh light ka long kaba khah khah khamtam ha une u bnai la 3 miet ne 4 miet ym don light ha shnong.

Ka Meeting ka la rai ba lada ka sorkar kam shimkhia ia kine ki jingeh ka committee kan pynlong da ka jingïakhih kaba kham tyngeh.