Byrthen ïakhih paidbah ka EJNC ba ïeng ki kharkhana coke ha East Jaiñtia Hills

Syllad | The Rising MeghalayaMarch 16, 2020

Ka East Jaintia National Council (EJNC) – Central Executive Council, hadien ba kala lap ïaka jingshna iaki kharkhana sain rnga dewiong (coke) kala iaid shait shait shakhmat haki ba bun ki shnong kiba hap hapoh East Jaintia Hills District kaba kynthup ha Elaka Sutnga, Umtyra bad shaka thain Bataw kala pynpaw ka jingpyrshah baka ktah ïaka haw bad ka sawdong sawkun ka mariang.

Ka EJNC kala pynpaw ba wat ki paidbah ki sengbhalang ki pyrshah jur ïa kane ka jingieng kine ki kharkha sain rnga dewiong, hynrei la sdang beit ïa kine ki kharkhana kaba buh jingma ïaka mariang bad ki nongshong shnong ka tdem dewiong

U kyrwoh bala phah da u Sambormi Lyngdoh, president EJNC-CEC, ka la dawa naka ophis u Deputy Commissioner ka East Jaintia Hills ban pynsangeh mardor iaka jing shna ia kitei ki kharkhana Coke.

Ïa kine ki kharkhana la pynieng khlem ka jingkhot pynsngew paidbah bad ki paidbah ki sah haka umdum bad la kine ki kharkhana ki bud ne em ïaki kyndon kiba iadei bad ka jingïada mariang.

“Lada ka ophis u deputy commissioner East Jaiñtia Hills kam shimkhia ban peit ïa kane ka kam pynieng kharkhana sain rnga dewiong, ngin shim ïaka sienjam kaba tyngeh ban khang ïa kine ki kharkhana,” ong u kyrwoh bala phah u Sambormi.