Byrthen iakhih paidbah ka JAC War Jaintia; 15 sngi ai por ban kynriah kam ia u manager Land Port Dawki

Syllad | The Rising MeghalayaOctober 30, 2024

Ka Joint Action Committee War Jaintia kala byrthen ban iakhih paidbah bad ai por 15 sngi ban kynriah kam ia u manager ka Land Port Dawki.

Kane ka JAC War Jaintia ka kynthup iaki lai seng: ka War Jaintia Students’ Union (WJSU), Federation of Khasi Jaintia and Garo People, War Jaintia (FKJGP WJ) bad ka Hynniewtrep Youth Council War Jaintia (HYC WJ).

Ka JAC War Jaintia kala shim ia kane ka rai haka 29 tarik u Risaw haka jingialang kaba iadonlang u S. Syngkor (Vice President ka WJSU); u Everest R. Langstang, general Secretary ka WJSU; u Bahshlur Mukhim, President ka FKJGP WJ; u Namdichai Lamare General Secretary FKJGP WJ; u Youdahunki Shylla, President ka HYC WJ; bad u Tohmondiam Mukhim.

Ka JAC kala phah ruh iaka jingpynkynmaw sha ka bor pyniaid jong ka Land Port Authority of India (LPAI), New Delhi ban pynkynriah ia u manager ka Dawki ICP. Ha kane ka shithi ka JAC kala ai por 15 sngi iaka LPAI ban kynriah ia u manager ka Dawki Land Port.

Shuh shuh ha kane ka jingialang la thung ia u Bahshlur Mukhim President FKJGP WJ kum u Chairman ka JAC War Jaintia ban pyniaid ki jingialang ka JACWJ na ka bynta 4 bnai naduh 1st Nov 2024 haduh 1st March 2025.

Katba u Alban K Gashnga Chief Adviser ka WJSU un long u Chief Adviser ka JACWJ bad ha kajuh ka por kum u Non-Executive Spokesperson ka JACWJ.

Hapoh kine ki 15 sngi ka JAC kan khot jingialang ia ki rangbah shnong jong ki shnong ba don sawdong sawkun ka Dawki ICP, ka Associations ki exporters bad Owner & Driver truck Association, Dolloi ka Elaka Darrang bad Elaka Nongtalang.ban ia phylliew jingmut halor ki jingeh ki nongshong shnong ka thain.

Ka JACWJ kala kyntu ia ki paid ka thain War Jaintia ban ai ka kti ka diang ka kti ka mon ban kyrshan tyngeh ia ka JAC ban pynbor ban kynriah ia une u manager ka Dawki Land Port