Byrthen ka JSM ban khang iaka tnad Pule Puthi bym thung nonghikai

Syllad | The Rising MeghalayaApril 15, 2021

Ka Jaintia Students’ Movement (JSM) kala ai por shi taiew iaka tnad Pule Puthi ka Jylla bad ban thung nonghikai Lower Primary ha West Jaintia Hills District bad kala byrthen ruh ban khang iaka ophis DSEO lada kim ioh iaka mat jingdawa.

U Ribok Biam, education secretary JSM Western Region, ha u kyrwoh ba ula phah ula ong hadien ba kila lap ba kiba bun ki skul kim don nonghikai haka 8 tarik une u bnai kila ai da ka jingthoh sha sha u Director, Directorate School Education and Literacy (DSEL), Shillong lyngba Deputy commissioner, West Jaintia Hills District.

Ula ong ruh ba haka sngi Balang kila ïaka District School Education Officer ban buddien, hynrei ym don kino kino ki dak ki shin ba ka sorkar kan thung iaki nonghikai lower primary hapoh ka District.

“Ngi la rai ban ai ai por shitaiew ïaka sorkar ban thung nonghikai lym kumta ka JSM kam banse ban leh noh da kaba tyngeh bad ban khang syndon ia ka ophis treikam kaba don ha Jowai,” ong u Ribok ha u kyrwoh.