Byrthen ka JSM ban mih madan ban iakhih kiew dor petrol diesel

Syllad | The Rising MeghalayaFebruary 6, 2021

Ka Jaintia Students’ Movement (JSM) hadien ba ka sorkar kala leh mynthi iaka jingdawa ki synjuk niah kali kamai bapher bapher ban pynhiar dor iaka petrol, diesel haka jylla kala byrthen ban mih madan ban nang pynjur iaka jingiakhih haka sngi Saitjain.

U Publicity Secretary JSM, Central Body, u Deijuhhi Siangshai ula ong ba ka JSM ka pynrem jur iaka sorkar MDA ba ialam da u Conrad Sangma ba ka leh bymsuidniew iaka jingdawa ki seng nongniah kali taxi bad tourist ban pynhiar dor iaka petrol diesel wat hadien bala iaid ka jingiakhih 4 sngi.

“Kane ka jingiakhih sangeh kamai kam dei shuh ka mat ba ktah tang ia ki trai ne nongniah kali, hynrei ka ktah khamtam ia ki duk ki suk bad iaki khynnah school bad ia baroh lang salonsar,” ong u Siangshai.

Ka JSM ka ai ka jingkyrshan bapura ia baroh ki association ba don ha baroh ki District bapher bapher hapoh Ka Jylla halor kane ka jingiakhih bad dawa na ka sorkar ban pynbeit ia kane ka kam.