Byrthen ka KSU Narpuh ban pyndam iaka Environmental Clearance ka Star Cement

Syllad | The Rising MeghalayaJune 17, 2021

Ka Khasi Students’ Union (KSU) Narpuh Circle kala byrthen ban iakhun lada long kumno kumno ban pynduh pyndam iaka Environmental Clearance kaba ioh ka Star Cement ban khlong mawshun na Brishyrnot.

Ka KSU Narpuh haka sngi Balang haka jingialam u president K S Suchiang, Assistant. Finance Secretary Jaintia Hills Unit u Shaniahskhem Dkhar bad ki dkhot ka KSU Jaintia Hills ki la leit ban ia kynduh bad u DC ka East Jaintia Hills Bah E Kharmalki halor ka jingpynbna paidbah ka Star Cement ba kala kam ba kala ioh Environmental Clearance Ministry of Environment, Forest and Climate Change ban khlong mawshun bad maw sain dewbilat shale na Brishyrnot haka jaka kaba heh 42.051 Hectare.

Na kane ka par mawshun ka Star Cement kan pynmih haduh 2.507 Millon ton bad u 0.217 ki maw shale ne ki dew sain dewbilat.

Ka KSU kala pynpaw iaka jinglyngngoh ba kumno ka Star Cement ka ioh Ia ka clearance na Ministry of Environment, Forest and Climate Change wat hadien ba ki lai tylli ki Public hearing ba la pynlong kim shym sei soh hadien bala pyrshah da ki ba bun balang naduh ki sengbhalang bapher bapher bad ki paidbah jong ka thain .

Ka KSU kala pan ia ka report jong ka public hearing ba la pynlong ha 21/11 /2020 ha phyllaw jong u DC, Khliehriat, hynrei na ka liang u DC ula bthah iaka KSU ban pan da ka RTI ban ioh ia katei ka report.

“Lada ka Star Cement kan iong ban khlong mawshun ha Brishyrnot, ka jingma ka ap ia ki pateng ban wan ka long ka ba shyrkhei bha bad kan pynjakhlia ruh ia ka Wah Lukha bad wah Lunar ka ba don marjan bad katei ka par mawshun. Ka Narpuh Wildlife Sanctuary kaba la pynbna Eco Sensitive Zone ruh kan shah ktah,” la ong u KS Suchiang.

Ka KSU kala buh jingkylli ia ka sorkar jylla bad ka sorkar pdeng kumno ki ai jingbit wat hapdeng ka jingpyrshah ki paidbah bad ka kynnoh baka don kaei re kaei sha lyndet.

Ka KSU ka la rai ban pan iaka report halor kane ka jingioh jingbit ka Star Cement bad kala ther tyngeh Myntri Rangbah Conrad K Sangma ba u saitkti bad um pdiang ba dei ka sorkar Jylla ba ai jingbit bad ong ba kadei ka kamram jong ka sorkar pdeng.