Byrthen khang tala ki volunteer COVID-19 iaka ophis u Commandant Home Guard Jowai bym ioh bai bylla sngi
Ki Home Guard Volunteers for COVID -19 haka sngi Saitjain kila shim iaka rai ban khang tala shisyndon iaka ophis u Commandant Home Guard Jowai lada ka sorkar kam lah ban ai iaka bai bylla sngi kaba ki dei hok ban ioh hapoh 15 tarik u Nohprah.
Kine ki Home Guard Volunteer COVID-19 ki don haduh 112 ngut kila trei naduh u Lber 2020 haduh Nohprah 2020 ha ka sien wan lyngshop nyngkong ka khlam COVID-19.
La iathuh ba kila trei 280 sngi bad ka bai bylla kaba ki dang ioh kalong tang 131 sngi, kaba sah kalong 149 sngi haka dor T.550/- shi sngi.
“Ngim banse ban shim noh da kawei ka sienjam kata ka long ba ngin leit khang tala noh ia ka Office Home Guard and Civil Defence kaba don ha Jowai bad ka jingkitkhlieh ka dei jong ka sorkar Meghalaya,” la ong ki Volunteer COVID-19.
“Ngi la leit na kawei sha kawei ka ophis, naduh office Commandant Home Guard u kynnoh sha u DC, lada ngi leit sha u DC u ong ba bym pynlait ka ophis S.D.M.A. Haba ngi leit ia kynduh ia ki nongtrei ka S.D.M.A ki ong bym pynlait ka N.H.M,” ong shuh shuh ki Volunteer.
“Haduh ka 15 tarik Nohprah ngin ai por iaka sorkar ban siew iaka bai bylla sngi jong ngi, lym kumta ngim banse ban khang tala shisyndon iaka ophis u Commandant Home Guard,” la byrthen ki nongtrei Volunteer COVID-19.
Kumban shu pynkynmaw ba ha u snem bala dep kine k volunteer kila mih sha surok bad rah placard ruh ha khmat ka ophis u DC ban dawa siew dep iaka bai bylla sngi jong ki.
Facebook
Instagram
Youtube
Twitter
Leave a Reply