CHABAS DONG TYMPANG

Soolangki LalooJuly 2, 2020

30 tarik Nai Ynru wow sah kynmoo
Khmat Bru Kat ki wa ioo.
Neibynta I chait I khiah wei khooid I pliah
Dong Tympang da kit khia u kreh.

Dei iong Tre Yung u leh u kitkhia
Chynna thaw yei wache wa thaba
Emkam chooh chooh u pynjanai dei montyrna
U man ya kiwi,  ka nongmuna wabha.

A Lok, a jor wa Lai wa wan, wa chongyaw chonghat
Neini chakhmat Noh yei jhep I jakhlia dei wa syndong antad
Ham Ong,  leh Kam wajooh wym em wa peit
Ya saboi pathan iaphi u poi Cha walait.

Kynmoo I burom Wei nam wabha ka Chnong ka thaw u booh u siang
Chong ko hei ye u wanrah yei khooid I pliah Yawmusiang.
Lada Kam kiwa Chong Chnong, ki chongyaw chonghat ye I u leh yeini
Sah Khana parom wym wiar wym pleh hadien ki sngi.

Dong Tympang  Tia Chaphrang
Kyntien e mynsien iaphi waroh lang
Hapyrdi I kreh em ki waroh em kiwa bein
Han kamtae leh, ham kein ham kein du ha chitein

Kyntien pynkut heini u booh
Ya warohlang salonsar I jooh.
Khon ka Chnong ka thaw yakrehlang em Kam i
Duhai wohdong wohdaw Wei ya kdawkti.