Chad Niam Behdeinkhlam

Soolangki LalooJuly 23, 2020

Cha Niam Behdeinkhlam ka Raij Tuber
Kyllein da bna wa heh Wei pher
Hadien ka Raij Jwai Pali iongka
Rukom dustur da booh  na chwa

Soo Langdoh- Soo Raij nadooh nachwa
Sarin ki Kam Niam da booh bynta
Yei Mon I khe u Trekirot u pyndep
Ioh ki Chnong ki Raij U kyllep u sdep

Da dep na Jwai kattu ha Tuber
Sakhi ya ka Chad Niam Behdeinkhlam wa ioopher
Ymtoh de Kam wajooh hur- hur, her- her
Nadong Cha dong waroh dapher

Soo Sngi u pyndep Hei Burom  u Trekirot
Na Yung ha Chnong ha Raij  dei wa Sarot
Deilang Wei bood ya ki hukum adong Sorkar
Wow man ka lad yada na ka khlam ka kjut wa poor wa par

Kynat I sih ha uni u Snem
Kyllein pyrthai tynjooh u chem
Waroh Kat I wamut wamang
Ym ioh de Kam wa yooluti wa thrang

Kyllein ki Chnong ki thaw wym ioh de Kam wajooh
U mih yachad yakmen dei wa ioophein ioophooh
Kut Sadu ha Dwar ha Pchem donhi
Wa chongchit i Ood I Thai I sur ka Bom ka bhuri

Kyntien pynkut heini u thoh
Khon ka Raij Tuber, Chad Niam Behdeinkhlam
Wasuk Wakmen Iaphi waroh
Pynkhroo yei Burom u Trekirot
Wei man kyrpang ka jaitbru hakhmat ka pyrthai
Ha ka yurim I sikai niam waioh
“ kamai yei Hok Wei Im Tipbru – Tipblai”
Maya yei iong- I, Burom yei iong kiwi
Luti I suk I  sain  u chem ha pyrthai sngi.