Chief Minister Under-12 Football ha West Khasi Hills

Syllad | The Rising MeghalayaMarch 22, 2023

Ka ophis jong i District Sports Officer ka West Khasi Hills District, Nongstoin kan pynlong ia ka Chief Minister’s Under-12 years na ka bynta ka Block Level bad District Level Open Football Tournament 2023 hapoh ka district.

Na ka bynta ki khynnah ialehkai ka Eastern West Khasi Hills District kiba hapoh 12 snem ka rta ka jingialehkai kan sdang naduh ka 10 tarik u Iaiong 2023. Hadien ka Block Level yn sdang iaka District Level Tournament bad ka State Level Tournament ia kiba la buh ban pynlong ha u bnai Jymmang bad bnai Jylliew mynta u snem.

Ka jingjurip iaki rta jong ki khynnah ialehkai na Mairang Block yn pynlong ha Tirtot Sing Memorial Hall, Pyndengumiong, Mairang, ka Mawthadraishan Block yn pynlong ha Madan Domsohphlang, Markasa naduh ka por 10 baje mynstep jong ka 5 tarik u Iaiong 2023. 

Ka jingot snem snem iaki khynnah ka long ia kiba kha hashuwa ka 1 tarik u Jylliew 2012 lane hadien ka 30 tarik u Jylliew, 2014. La kyntu ruh ia ki khynnah ialehkai ba kin rah bad ki iala ki Birth Certificate ha ka sngi ba la buh ban jurip ia ka rta jong ki, kata, ha ka 5 tarik u Iaiong 2023.

Na ka bynta ki jingtip kiba kham bniah halor kane ka bynta, lah ban ioh da kaba  phone sha ka ophis i District Sports Officer, West Khasi Hills District, Nongstoin ha ka por long trei lyngba ki nombar phone 94023-00795 bad 80142-51242.

Ia ki entry form lah ruh ban ioh na ki ophis jong ki BDO ka Mairang bad Mawthadraishan Block ha ki  por long trei  bad ka tarik ba khatduh ban pynpoi ia ki kot ki sla ba donkam sha ki ophis jong ki BDO kan long ha ka 31 tarik u Lber 2023.