Chimbynta u CM Conrad ha ka Public Programme ki SHG’s

Syllad | The Rising MeghalayaFebruary 8, 2024

U Conrad K.Sangma, Chief Minister ka Sorkar chirrup wa u Marcruise N.Marak, Minister Soil & Water Conservation haka 7 tarik Thohlakhmi da chimbynta ki ha ka Public Programme iong ki Self Help Group (SHG’s) kiwa em hapoh ka Pradhan Mantri Krishi  Sinchayee Yojana (PMKSY-WDC 2.0) wei ha kani ka prokram dasam leh ya ka song poisa wa mar 50,000 tyngka cha ki Sef Help Group.

U Conrad K Sangma hei klam kam u kongsan da ong wa kawi pa kawi ka ri iong ka pyrthai  toh em ki kamram wakhroo wow yaleh u yada pynneh pynsah ya ki um ki wah heiwa i dooh um ye i u man kawi ka daw wow hap ki ri ka pyrthai u mad u takhooh heiwa yeini ki bru purae bniah ya ki um ki wah da maham da klam che ki.

Ong u leh ym ye u len ka Jylla iong-i toh kawa da kyrkhu deilang ki um ki wah wa khooid wa jngiar deilang ki dien ki siej ki khloo ki kjam han la kattae leh ki bru wa chong chnong dang hap em hi i eh i khoo kammon u pynemkam iaka um.

U Marcruise N. Marak hei klam da ong u wa ki SHG’s em ki ka bynta wa kyrpang hei wow kyntu kynrong yei ioh i la iong ki bru dei wa pynemkam ia ki buit wa iatoh wa ka juk katni hei rep i riang wei i mat ka Watershed Development ka PMKSY ym du kat hei ioh iu la ki bru, pynbha ko iei rep riang, i thung i tep da i iakrelang wa ki skims wa ki prokram wapher.