COVID-19 | Bthah u DC Jowai ban bud ryntih iaka aiñ NFSA & jingbthah ka koit ka khiah

Syllad | The Rising MeghalayaApril 28, 2020

U Deputy Commissioner, Supply, West Jaintia Hills u la hukum ia baroh ki Fair Price Shop (FPS) ba ki dei ban bud pyrkhing bha ia ki kyndon aiñ jong ka National Food Security Act (NFSA), 2013 bad jingbthah da ka Health and Family Welfare Department.

U Deputy Commissioner u la iathuh ba ia kane hukum la pynmih namar ba u la ioh jingtip ba don katto katne tylli ki Fair Price Shop Centre ki bym shym la bud satia ia ki kyndon aiñ kiba hap hapoh ka NFSA 2013 lane ia ka order naka bynta ka jingsam ia u Khaw bad u Dai kiba hap hapoh ka PMGKAY Scheme bad ruh ia ka jingbthah bala ai da ka Department of Health and Family Welfare.

Ki kyndon bad jingbthah ia ki Fair Price Shop bad ka rukom sam ration kaba ki FPS ki dei ban bud:

Ka por plie ia ki dukan ration ka long naduh 9.00 baje haduh 4.00 baje man ka sngi.

Also Read | Kynnoh bam sap ia u khaw PMGAY ha Kyndong Tuber, phah tohkit u DC West Jaiñtia

U Khaw Antyodaya Anna Yojna (AAY) haka jingthew kaba 35 kilo kawei ka AAY card ha ka dor Rs 3/- shi kilo naka bynta ki nongsor bad nongkyndong.

U Khaw Priority House Hold (PHH) haka jingthew kaba 5 kilo shi khlieh briew shibnai ha ka dor kaba 3/- tyngka shi kilo naka bynta ki nongsor bad nongkyndong.

U Khaw Non NFSA haka jingthew kaba 7.215 kilo kawei ka Card ha ka dor hala buh da ka Vigilance Committee ka bym dei ban palat ia ka 13-Tyngka shi kilo naka bynta ki nongsor had nongkyndong.

PMGKAY Scheme naka bynta u bnai April (Iaiong), May (Jymmang) & June (Jylliew 2020

U Khaw Additional Antyodaya Anna Yojna (AAY) haka jingthew kaba 5 kilo shi khlieh briew shi bnai uba a iei bad bym donkam ban siewdor.

U Khaw Additional Priority House Hold (PHH) haka jingthew kaha 5 kilo shi khlieh briew shi bnai uba aiei u bym dorkam ban siewdor.

Dai (Masoor Dal) haka jingthew kaba Shi (1) kilo shi ing shi bnai tang naka bynta ki longïing AAY bad PHH uba ai ei bad bym donkam ban siewdor.

Ki jingbthah jong ka Health and Family Welfare Department:

Ban ia jngai ym duna iaka shi metre uwei na uwei pat.

Ban tap la ka shyntur bad khmut da ka ba deng ia ki jain tap khmat.

Ym dei ban biah kulmar ha ki jaka paidbah.

Dei ban sait ia ki kti ha ka um kaba tuid da ka sabon.