Covid-19: Dawa pynkynriah ki samla pule ka KNGCSU ïaka Isolation ward na Kiang Nangbah College

Syllad | The Rising MeghalayaMarch 31, 2020

Ki samla pule jong ka Kiang Nangbah Government College Student Union (KNGCSU) kila dawa ban pynkynriah ïaka Isolation Ward na Kiang Nangbah Government College bad ban buh sha kiwei ki jaka ban ym ktah ïaak imlang sahlang

Hadein ba la dep thmu ka sorkar tnad pule ban pynkylla Isolation Ward ia ka hostel jong ka KNGC na ka liang ka KNGCSU ki la kyrpad  jur ia ka sorkar jylla bad ia u Deputy Commissioner Jong ka WJHD ba kin sngewbha ban pynkynriah shawei. Ka  KNGCSU kam kwah bad sngew bit ban pynkylla ia ka hostel sha ka Isolation ward namar ka ktah ia ki tiar ki khynnah ba shong basah hapoh ka hostel kumjuh ruh ka pynktah ruh ia ki mar jong ka hostel ong u Dawyoo Lyngdoh ha u kyrwoh ba ula phah sha u Syllad.

U Dawyoo Lyngdoh bad u Wanbiang Pulang kiba dei ki nongialam ka KNGCSU, ha shwa ban pynkylla Isolation Ward ki hap ban buh bha ia ki mar ki kynnah ba sah hapoh hostel bad ki mar ka college. Namar kam don ka jaka ban buh bha ia ki tiar jong ki shawei lait noh hapoh ka hostel.

Kila ong ruh ba ka um ha hostel ka kam bit ban pyndonkam namar ba ka jakhlia bad kim kwah ban buh iaka isolation ward ha katei ka jaka pule

Kine ki ar ngut ki nongialam kila pynpaw ba katkum ka kyndon ka aiñ Jong ka college ba kim shah ban wa rung ki ba nabar ban sah hapoh jong kane ka hostel. Lada ka sorkar kam sngap ia ka jingkyrpad jong ki kan hap ban shim khia ia kano kano ka jingjia hapoh ka hostel. Ngi kyrpad ia ka sorkar tnad pule bad ia u DC WJHD ba kin sngewbha ban pynkynriah noh sha kawei ka jaka kaba nym ktah ia ka imlang sahlang.