COVID-19 | Hukum ka SDO ban register iaki dukan ha Amlarem Sub Division

Syllad | The Rising MeghalayaMay 7, 2020

Katkum ka Shithi ba la ioh na ka Sorkar Letter No.FCS 40/2020/90, Dated 4th May, 2020, la hukum ia baroh ki dukan die marbam mardih hapoh Amlarem Sub-Division ba kin wan Register ia ki dukan jong ki sha ka ophis Additional Deputy Commissioner (Supply), Amlarem Sub Division.

Ka rukom Register iaki dukan ka long da kaba pyndap iaki APPLICATION FORM kiba lah ban ioh na ka Ophis jong ka Sub-Divisional Officer (Supply), Amlarem Sub-Division ha ki sngi ba long trei.

Ki kyndon bad ki ain ban Register:-

Ka bai Register ka long .500/- tyngka (Rupees San Spah tyngka).

Ka validity jong ka Registration Certificate ka long tang shi snem (one year), ka ban sdang naduh 1st July jong uwei pa uwei u snem.

Hap ban pynthymmai man la u snem iaka Registration Certificate, kaba mut hap ban renew 3 bnai shwa ban kut ka Registration jong u snem 2021, naduh ka 1st April man la ka snem.

Ki kot ki sla (Documents) kiba dei ban suh lang bad ka Application Form naka bynta ban pynshisha ia ki Dukan ki long kum ka Registration hapoh ka:-

(i). SHOPS AND ESTABLISHMENT ACT, 1953.

(ii). LEGAL METROLOGY DEPARTMENT

(iii). LABOUR LAWS AND DISTRICT COUNCIL LICENSES

Na ka bynta ban Register iaki Dukan, ki sahep (Officers) jong ka ophis Food Safety bad jong ka Food and Civil Supplies Department kin sa leit jurip (Inspection) sha ki Dukan baroh.

Ki dukan marbam ki dei ban long kiba khuid ba suba, bad ruh ki dei ban pynbiang bha iaki jingthew. Dei ruh ban buh tang iaki marbam kiba dang bha katkum ba la buh da ka FSSAI. Ki Dukan kim dei ruh ban pyndonkam da ki plastic ba la khang (Prohibited) bad kim dei ruh ban pyntrei da ki khynnah hapoh 14 snem ka rta.

Tang kito kiba lah dep Register bad ka Ophis kin lah ban plie ia ki Dukan jong ki ha kum kine ki por ba don Curfew lane ba pakhang shnong na ka jingkthah jong kano kano ka khlam/jingpang.