COVID-19: Khot jingialang u DC West Jaintia Hills halor ka khaii bar ri hapdeng ka India bad Bangladesh

Syllad | The Rising MeghalayaJune 13, 2020

U Deputy Commissioner, West Jaintia Hills  Ma Garod LSN Dykes hadien ka jingpyrshah jong kiba bun halor ka jingrai ban plie iaka khaïi bar ri hapdeng ka India bad Bangladesh lyngba ka kad khaii na Tamabil, Dawki LCS, ula khot da ka jingialang iaki sengbhalang bad nongialam shnong jong  ka thain War Jaintia.

Kane ka jingialang kan long ha haka 15 tarik haka por 12 baje ha kamra treikam jong ka Additional Deputy Commissioner, Incharge Amlarem Civil Sub Division.

Ha kane ka jingialang la khot ia u president Synjuk Waheh Shnong War Jaintia, president jong ki sengbhalang ba kynthup iaka JSU War Jaintia Circle, HNYF Southern Riwar Circle, HYC War Jaintia Circle, KSU War Jaintia Circle, Waheh Shnong Secretary shnong Nongtalang bad Bakur bad Waheh Shnong  Dawki.

La bthah ia baroh ban wan sha ka jingialang khlem pep.

Baroh kine ki sengbhalang bad ki nongialam shnong kila pynpaw ka jingpyrshah kaba jur hadien ba ka sorkar kala rai ban plie ïaka khaii bar ri lyngba katei ka kad khaii bad kila pynher ki dorkhat sha u DC, West Jaintia Hill District bad ka sorkar ban dawa ban pynsangeh shuwa ïaka khaii bar ri hapdeng kine ki ar ri lyngba ka Tamabil Dawki LCS namar ka jingsyier iaka jingpang khlam COVID-19.