COVID-19: La pynbna containment area ia kawei ka ïing ha Jowai

Syllad | The Rising MeghalayaAugust 25, 2020

U District Magistrate jong ka West Jaintia Hills District, Garod LSN Dykes, ula pynbna ia kawei ka iing kum ka containment area ha Jowai khnang ba tnad ka koit ka khiah kan ioh ban pyndep iaka contact tracing ban tem iaka jingpur ka khlam COVID-19.

Kane ka containment area kadei ha ka iing jong u (L) Arwot Lamare kaba don ha ka shnong Ladthadlaboh, Jowai. Kane ka iing ka dei ka ba ju shongwai ne pynlong ophis ka tnad Labour, West Jaintia Hills District lane ka surok na Ladthadlaboh sha Moosalyngkat.

Kane ka jingpynbna containment area ia kane ka iing kadei hadien ba don kawei na ki nongshong wai ba iabit iaka jingpang khlam COVID-19.

La khang pyrshah ia kino kino ban rung ban mih sha katei ka jaka bad kiba shong ha katei ka iing kim bit satia ban mih shabar bad ban iakhleh bad ki paidbah.

Baroh ki dukan kiba don sha jan katei ka iing kidei ban khang kumjuh ki ophis sorkar bad kiba jaka trei ba pyniaid da ki riew shimet ruh ki dei ban khang.

Kane ka hukum kan ym treikam iaki nongtrei ka tnad ka koit ka khiah, Jowai Municipal Board.

Kane ka hukum kan treikam naduh naduh ka 5 baje mynstep jong ka 26 tarik u Nailar (August) haduh 5 baje mynstep jong ka 29 tarik Nailar 2020.