COVID-19: Sam u MLA Jowai ïaka song pisa sha ki quarantine shnong

Syllad | The Rising MeghalayaJune 19, 2020

U MLA Jowai ma Wailadmiki Shylla ula sam ïaka song pisa jingiarap sha ki Community Quarantine Centre kaba la mang da ka sorkar ban ai mar T.5000 sha ki shnong kiba pdiang iaki wanphai na ki jylla bapher bapher ha kane ka lockdown ban ïada naka jingpur ka khlam COVID-19 haka sngi Palei.

Kane ka pisa ka dei naka Chief Minister’s Relief Fund (CMRF) bad ka sorkar jylla kala rai ban ai kane ka pisa sha ki quarantine shnong kiba la shimkhia ban pdiang ïa kiba wan phai na ki jylla bapher bapher ban shong ban sah ha kine ki quarantine shnong.

Ka Sorkar kala ai ia kane ka jingiarap ne ka grant kadei namar ba dalade kam lah satia ban pynbiang jaka sah wat hadien baka buh iaki corona care, ki quarantine centre, hynrei ki duna bha ki jaka sah bad da ka jingmih ki shnong ban iatreilang bad ka sorkar la lah ban pynbun ia ki jaka sah kiba wan phai kiba wan na kylleng ki jylla ka Ri India.

U MLA ka Jowai ma Wailadmiki Shylla haba sam ïa kane ka song pisa ula ïaroh iaki shnong baroh kiba la tynrong halade ïaka jingkitkhlieh ban shimkhia ban thaw ïaki Village COVID-19 Management Committee ban iakhun pyrshah iaka khlam bad ban tem ïaka jingpur u khniang COVID-19.

Ula ong ruh baka West Jaintia Hills ka don haduh 115 quarantine centre 53 ha Thadlaakein Block, 28 Laskein Block ,23 ha Amlarem Block bad 11 ha Jowai. Baroh kiba wanphai bad kiba don sah ha ki quarantine shnong ki don 232 ngut.

Ha kane ka jingialang la ïadonlang u Additional Deputy Commissioner, West Jaiñtia Hills u ma Lyngkor Kynjing MCS, Octomewot Lamin Nominated MDC-JHADC, u ma Alan Niangti president synjuk waheh shnong Jowai bad iaka jingialang la pyniaid da u ma LD Lakiang waheh shnong Ladthadlaboh haka jingiadonlang kiwei kiwei ki waheh shnong.