COVID-19 | Synñiang pisa ka Ladthadlaboh Dorbar Shnong sha ka CM Relief Fund

Syllad | The Rising MeghalayaApril 24, 2020

Mynta ka sngi ka Ladthadlaboh Dorbar Shnong hapoh ka jingialam u Waheh Shnong u Ma LD Lakiang, u Ma KD Syngkon, Symbud Waheh Shnong, General Secretary Ma ABM Shullai kala noh synñiang sha ka Chief Minister Relief Fund naka bynta ban iakhun iaka khlam COVID-19.

Ïa kane ka pisa kaba T.50 hajar la aiti da u ha u Deputy Commissioner, West Jaiñtia Hills District ma Garod LSN Dykes ha karma treikam jong u.

U General Secretary jong ka Ladthadlaboh Dorbar Shnong, Ma ABM Shullai, ula ong ba kane ka pisa kadei kaba kynshew da ka shnong namar ka jingsngewkhia halor ka jingpur ka khlam. “Ban kyrshan lem bad iatreilang ïaka sorkar jylla ha kum kane ka por ka saw ka sain iaka jylla kum ka shnong da kawei ka sur kala rai ban synniang ia kane ka pisa sha ka CM Relif Fund for COVID-19,” la ong u ma Shullai.

Also Read | Ki kam bala pyllait u District Magistor Jowai naka ‘CURFEW’

Also Read | Da ka “Lockdown Karaoke Challenge” pynlong ka Faith Back Fan Club

Ka shnong ka dap da ka ka jingsngewkhia halor ka jingsaphriang ka khlam COVID-19 ha kylleng ka Jylla hapoh ka Ri, kumjuh ha Jylla bad na kaliang ka bor shnong kala kyntu iaki paidbah ban iatreilang bad ka bor synshar district kumjuh bad ka sorkar khnang ban lah ban pyndkut ïa u kynjri jingpur une u khniang uba la sar ha kylleng ki jylla haka ri bad haki ri bapher bapher ha ka pyrthei kaba la wanrah iaka jingiap da ki hajar hajar ngut.

La ban jur iaki nongshong shnong ban bud ryntih iaki jingbthah jong ka tnad ka koit ka khiah bad sait khuid iaki kti, ban deng iaki mask, ban bud iaki jinghikai haba synriah bad jyrhoh bad ban nym bynthiew umbiah kat shaba lap ba shem ban iada na ka jingsaphriang ka khlam Corona vIrus.