Da 171 run jop ka Friends Utd pyrshah iaka Evergreen haka Open To All Cricket ka WJHDCA

Syllad | The Rising MeghalayaApril 13, 2023

Ka Friends United XI kala jop da 171 run pyrshah iaka Evergreen Mukhla haka Open To All Cricket Tournament kaba pyniaid da ka West Jaintia Hills District Cricket Association (WJHDCA) kaba long ha madan Khliehtyrshi haka sngi Palei.

Ka Fiends Utd kaba la jop iaka toss kala kam trai ban bat shuwa ba kala kamai haduh 252/10 run naka 29.5 over.

U Kishan Lyngdoh marwei ula kamai 157 run naka 78 ball, u Yutang Kma  37 run, Marshall Pariat 21 run. Katba u Don Bang u la khyrwit 3 wicket.

Ka Evergreen haba beh iaka thong kala liem lut baroh 10 wicket hapoh 19.5 over. U Khimti Dkhar bad u E Sana ki dei tang ma  ki ar  ngut kiba ioh kamai ar dak jingkhien, kata 17 bad 10 run.

U Kishan Lyngdoh ula khyrwit 3 wicket nalor ka 157 run kaba la biang pura ia u ban khur iaka nam man of the match bad u Marshall Pariat ula pynliem 4 wicket.