Da biang nadong hadong I pynkhreh pynkhrum wow wai ya ka 5th Meghalaya Games 2024

Syllad | The Rising MeghalayaJanuary 14, 2024

I pynkhreh pynkhrum ya ka 5^th Meghalaya Games 2024 ha Tura, West Garo Hills District ka wow sdang nadooh mynstep ka 15tarik Duiatra daman iwa laibeit lairyntih heiwa ynne ka sngi I pdiang burom wa kyrpang ya ki dkhot ka Meghalaya State Olympic Association (MSOA) deilang ya ki bor District ka West Garo Hills daman hei rukom wa ioosuk ioochongkun chongkhia.

Mynstep ka sngi ya ka 5^th Meghalaya Games 2024 ha P.A. Sangma Stadium u wan wai pyrda da ka President iong ka Ri India, Droupadi Murmu wei u man ko leh ka sngi wow sah khanatang heiwa ha ka sien nyngkong ya ka Meghalaya Games da pynman chabar na ka sor Shillong.

Chooh chooh kam wow e bor e mynsien ya ki nongyachimbynta wa wan ynne ka sngi da pdiang burom ya ki ha ISBT, Tura da ki sur wa da chimbynta wow pynioo pynchongchit ka-it da ki dhap tem iong ka Meghalaya Grassroots Music Project.

Khien kyllum waroh ki Athlete ki wow yachimbynta ha kani ka 5^th Meghalaya Games 2024 da kynjooh ki cha ka 3000 hajar ngut  neibynta ki 23 tylli ki jait yakop kiwa da boothong u pynman ha ki 16 tylli thaw ha kyllein ki bynta ka West Garo Hills.