Da iakop niah cycle bad ka marathon ha Jowai yn ialap aiñ niah kali

Syllad | The Rising MeghalayaFebruary 24, 2021

Ka tnad pyniaid kali jong ka Jowai Traffic Police kan pynlong iaka iakop niah cycle bad ka jingmareh marathon haka 25 bad 27 tarik une u bnai kum shibynta ban ialap pynsngewthuh iaka jingshngain haba iaid ba ieng ha surok kaba la tip kum ka National Road Safety

Ia kane ka jingiakop la pynlong da ka Jowai Traffic Branch da ka jingkyrshan jong ka West Jaintia Hills District Executive Force (WJHDEF) ban ialap pynsngewthuh ia u paidbah halor ka jingkongsan ki aiñ niah kali bad ban pynduna iaki jingjia aksident ha lynti synkieng.

Ka mat pdeng jong kane ka National Road Safety kalong “Safe yourself to save your family.”

Ha kane ka campaign shibun jait ki prokram kaba ki pulit na kylleng ki thanad kila sdang naduh ka taiew kaba la dep.

Shuh shuh mynta ka sngi ruh la pynlong ia kane ka prokram ha North Liberty HSS, St. Mary Mazzarello Girls Higher Secondary School bad H.K Singh Memorial Secondary School, Jowai.

Ki riew shemphang kiba la ai jinghikai ki kynthup ia u Inspector D. Khatri, SI John K. Majaw bad kiwei kiwei ki ophisar.

Ha kaba iadei bad kino kino kiba kwah iashimbynta ha ka jingiakop niah cycle bad marathon ki lah ban leit ai kyrteng ha Jowai Traffic Branch. Baroh tylli kine ki jingiakop kin sdang 7 Am.