Da ioh kem ya ki bru wa suba tyniap iow Shanbormi Lamare ha Barato

Syllad | The Rising MeghalayaJanuary 10, 2024

Ar ngut ki bru wa suba tyniap iow Shanbormi Lamare na chnong Barato A  Pynthor da chah kem ki ha ki Pulit na Rymbai Road, East Jaintia Hills katwa uwi wa suba da wan pyndem u hakhmat ki bor pulit haka 9 tarik Duiatra.

U Shanbormi Lamare wa 25 snem I rta waman u kurim ka Meris Lyngdoh da chah tyniap u ha ka 7 tarik Duiatra ha chnong Barato heiwa neiliang ki bor pulit da chimkti ki wow leh yei wa emkam ha Jowai Civil Hospital, Ialong kat kam I dawa ka ain.

Ka khubor pulit da ong ko wa ini I chah tyniap u Shanbormi Lamare toh iwa da leh da ki le ngut ki bru damok, kamtae neiliang iongki da chimkhia ki wow leh yei wa emkam kat kam ka ain wei da pynman ki leh I takit wow boodien iow iohkem ya kini ki bru, heiwa dei kreh chitom iongki da chemdien ki yei thaw sah iong kini ki bru wei daioh ki leh wow kem chwa ar ngut kiwa suba kynthup iow Jar I Dkhar (31 snem) u Deibormi Dhar (18 snem) kiwa na chnong Barato katwa iow wi wan watip kam u Wanjopmi Talang (24 snem) dawan pyndem hi u hakhmat ki pulit iong ka Jowai Police Station.