Da ka 1st Kiang Nangbah Excellency Award yn sam ka SBYWA sha kiba pass bha
KHLIEHRIAT: Ka Southern Border Youth Welfare Association (SBYWA) kan sam da ka khusnam sha ki sam pule kiba pass bha kaba la tip kum ka ‘1st Kiang Nangbah Excellency’ Award.
Ka SBYWA haka jingialang Central Executive Committee (CEC) kaba long haka 3tarik u Nailar 2019 ha Ladrymbai kala rai ban pynkup burom ïa ki samla kiba la pass bha haki kyrdan bapher bapher ban phynslur shuh shuh iaki kam pule puthi jing ki bad ban kynmaw burom ïa u khla wait jong ka Ri Pnar, la ong u S.Shadap President SBYWA.
![](https://www.syllad.com/wp-content/uploads/2024/09/JIT-Vacancy-823x1024.avif)
Ka SBYWA kala pynbna ba kino kino ki khynnah bad ki samla pule kiba pass SSLC-65% shaneng, HSSLC-55% shaneng bad 50% shaneng iaki graduate kin ïoh ïa kane ka khusnam. Yn ai khusnam ruh ïa kiba pule da ka semester naduh u snem 2017-2019.
Ka SBYWA ka wer ruh ïaki ba la pyndep Master Degree naduh MA, MSc, MCom bad PhD ba kin pynpoi ïaki kyrteng.
Ka SBYWA kala pyntip ban kan jied tang lai ngut na kawei ka kyrdan naduh SSLC, HSSLC, BSC, BA, BCOM, MA, MSC, MCom bad PhD.
Ka SBYWA kala kyntu ïa baroh ki samla pule ban pynpoi iaki Mark sheet, Admit Card, ST, EPIC, Residential sha Education Secretary SBYWA.
Ïa kane ka khusnam yn sam haka taiew ba khatduh u bnai Risaw 2019 bad ka kyntu ïaki samla jong ka thain naduh ka shnong Leilong, Lei jri, Huroi, Hingaria, Kwator, Borgkhat, Natbor, Pdengwahkhyriam, Demlakang, Lama, Lakadong Ummat, Lad Lakadong, Lakadong Umlatdoh, Umlyngsha, Bataw, Pynurkba, Deiñsatlang, Ladwahwapung, Umsatai, Shilliangumshong, Iapmala, Suchen Shnongrim, Suchen Dhana, Suchen Mulieh, Suchen Iaraiñ,Lumskhen, Rngad, Wahsarang, Deiñshalalu bad Lumputhoi.
Ia ki jingtip ba kham bniah phone ha u Eladmi Suchen, Education Secretary SBYWA 8837271569, General Secretary – 9366707383
Leave a Reply