Da ka Awareness ha ka phang wow yada ya ki kynthai pynman ka JHDS ha Lumtrep

Syllad | The Rising MeghalayaJanuary 31, 2024

Ka Jaintia Hills Development Sociiety (JHDS) chirrup i yakrehlang ka yung krehkam iong ka District Social Welfare, West Jaintia Hills ynne ka 30 tarik Duiatra da pynman ki ya ka Awareness Programme wa chisngi ha ka phang wow Yada ya ki kynthai nei chah lehbein lehbor nae Prevention of Women from Domestic Violence.

Ya kani ka prokram da pynman ha chnong Lumtrep Nongjngi heiwa dawan chimbynta da ki manbei, manpa wa kiwi kiwi wei ya ka yalang da pynlai da u Field Programme Associate, JHDS ma Francis Langlein hei ya emlang u Coordinator JHDS u Denis Kurkalang wa kiwi ki heh sorkar.

Ki bru stad bru chemphang kiwa da e i klam i batai wa bniah kat kam ka thong iong kani ka Awareness Programme toh u Denis Kurkalang, JHDS, u S.Passah, District Child Protection Officer, ka Lucy Ksoo, Centre Manager Cum Protection Officer, One Stop Centre, u D.Lamare, OC Nartiang Police Station, ka Ibashisha Kharpran, Officer Women Police Station Jowai wa ka D.Suchiang, Advocate District Legal Service Authority.

Ha kani ka sngi nalor i klam i kappe da pynwyrngia leh ya ki wa yachimbynta da i lehke drama watbian wada punioo da ki khyroo purea Intern iong ka Martin Luther Christian University, Shillong.