Da ka bike pyndonkam ban kit kynja, ioh tam lai ki bike ba suba shah tuh na East Jaintia Hills

Syllad | The Rising MeghalayaApril 14, 2025

Ki pulit ka East Jaintia Hills ha ka 13 tarik Iaiong ki la ioh ban kem noh ia uwei u briew uba kyrteng u Bishal Riang 23 snem rta uba dei na Cachar District, Assam bad ioh kurup ia u kynja uba don ka jingkhia kaba haduh 10 kilo.

Kane ka la wan long hadien ba ki pulit ka District ki la ioh ban bat noh ia kawei ka thuk thuk Bajaj Dominar kaba don ia u nombor AS 11 X 2819 ha Nongsning, halor ka jingsuba donkti ha ki kam khaii drok.

Ha ka jingtalasi ia ki artylli ki pla kieng ki pulit ki la lapdien ia ki 10 tylli ki song kiba don hapoh bad ha ka jingtohkit la pynthikna ba u dei u kynja uba don ka jingkhia haduh 10 kilo.

Hadien kane ki pulit ki la kem noh ia une u briew hapoh ka kyndon NDPS Act bad ka jingtohkit pyrshah ia u ka dang iaid shakhmat.

Ha kawei pat ka jingjia ha katei ka juh ka sngi ki pulit kiba dang pynlong ia ka jingiaid pahara ha u pud u sam jong ka Umkiang PPP ki la lapdien ia laitylli ki thuk thuk ba la shu ieh harud surok ha ki bynta jong ka thain Dona ia kiba la suba ba ki dei kiba shah tuh.

Kine ki kynthup ia kawei ka Royal Enfield Classic ka bym don nombor plate, kaba don Chassis No ME3J3C5FKP2005107, ENGINE NO. J3A5FKP2004699, ka Royal Enfield Hunter ba khlem nombor plate kaba don ia ka CHASIS NO. ME3J3D5FMR1014560, ENGINE NO. J3AFFMR1014818 bad kawei pat ka Pulsar NS 125 kaba khlem nombor plate kaba don ia ka Chasis No.MD2B72BX4RPF6286, ENGINE NO. JEXTRF62562.

Ka jingtohkit halor kane ka dang iaid shakhmat, bad la kyntu ia kino kino kiba don jingtip ha kaba iadei bad ki trai jong kine ki thuk thuk lane kiba iohi ia ka leit ka wan ba dang shen eh jong ki ba kin pyntip mardor sha ki pulit ka Umkiang PPP lane sha ki Police Station kiba hajan eh.