Da ka Cross Country yn pynlong ka NPP Iawmusiang Unit, ka khusnam pisa ia kiba jop

Syllad | The Rising MeghalayaDecember 5, 2024

Ban iakhun pyrshah iaka thma drok, ka National People’s Party (NPP) lawmusiang Unit, ka kan pynlong da ka Cross Country haka 21 tarik Nohprah (December) 2024.

Ka mat pdeng jong kane ka jingmareh Cross Country ka long “Say No To Drug” bad kan sdang haka por 6:30 Am na Lad Nangbah ban iaid lyngba ka surok bah haduh Jowai bad yn pynkut ha madan Jrisalein, Chutwakhu, Jowai.

“Ka jing thmu ba ngi pynlong ia kane jingmareh ka long na ka bynta ban wanrah ia ka jingsuk jingieid markylliang, khamtam ban pyni sha ka pyrthei ia ki kam babha ka party jong ngi ka leh na ka bynta ka district bad ka jylla hi baroh kawe,” la ong Hemanioo Lamare uba long u Convener.

Kumta na kaliang NPP Iawmusiang Unit ka khot wer ia baroh ban iashimbynta ha kane ka jingmareh ban ialap bad ban ieng pyrshah ia u drok uba ktah iaka imlang sahlang baroh kawei.

Ka khusnam iaki lahduh ka long T.10 hajar, ba ar T.5 hajar bad ba lai T. 3 hajar.