Da ka Cultural Program pynlong ka JSU ha Labang Nongphyllut

Syllad | The Rising MeghalayaMarch 11, 2023

Ka JSU Labang Nangphyllut Circle haka sngi Thohdieng ka la pynlong ka jingkynduh lang bad ka prokram shad tynrai hapoh ka elaka Labang Nongphyllut kawei na ki elaka kaba la iap bad kaba la angnud ban pynim mynta kaba hap haka jaka kaba iaknieh ha khappud Assam Meghalaya.

Kane ka jingiakynduhlang kan dei ka sien kaba nyngkong eh kaba la pynlong da ka JSU.

La wan ban iashimbynya da ki nongshong shnong kynthup iaki Waheh Chnong na ki shnong bapher bapher kiba don hapoh Block 1 ha kane ka jingiakynduhlang.

La wan sakhi lang ki dkhot ka JSU central body kynthup ia Treiborlang R Suchen u lah long kum u kongsan ha ryngkat ka jingdon lang u Vice President ka seng u Aplang Lamare bad kiwei kiwei.

Ka jingthmu jong kane ka tamasa kadei ban pynim la ka riti ka dustur ka tynrai bad ka jain phong tynrai ki jaitbynriew Khasi Jaintia kiba shong ha Block 1 lane ka Elaka Labang Nangphyllut.

U Treiborlang R Suchen haba kren ha kane ka prorkam ula ai ki kyntien sneng kraw iaki paitbah bad u la ong ba kum ka jaidbynriew ngi don kam ban pynim iaka ktien ka thylliej lajong, ka riti ka dustur bad ban kiar na ka shongkha khleh namar ngi dei ki jaitbynriew ka ba long kyrpang namar ngi ai kur ai jait sha ka khynthei.

Ia kane ka jingialang lah pyniaid da u samla Chemhok Kyrweng bad lah ai ktien pdiang burom da u President ka Labang Nangphyllut Circle u samala Salbius Myrten bad lah pynwai da u General Secretary u samla Rajesh Tamaha.