Da ka ‘Dak DCDP Mela’ pynman iow tip ki paidbah chaphang ki skim wapher ka Sorkar India

Syllad | The Rising MeghalayaJanuary 16, 2024

Ka Yung krehkam iong Department of Post ha ka thong wow pynsniawthuh ya ki paidbah wa chongchnong ka Jylla chaphang ki skim yarap wapher wa ye u ioh lyngba ki yung krehkam iong ka Post Office wa em ha kyllein ki chnong I thaw ka Jylla da pynman ko da ka ka ‘Dak Community Development Programme Mela’ haka 13 tarik Duiatra ha Umiam Sub Post office, Ribhoi District heiwa ki Waheh Chnong deilang ki bru paidbah na ki 7 tylli ki chnong wa em hajan dawan ki wow yachimbynta.

Ki bru stad bru chemphang ka Yung krehkam iong ka GPO, Shillong kiwa dawan wow e I klam I batai, wei pynche pynsniawthuh ya ki paidbah  toh u Simon Peter Dohling, Development Officer, uwa da klam da batai chaphang ka Postal Life Insurance and Rural Postal Life Insurance Products kawa man ka skim kynchew poisa.

Neitae u Prasanta Kumar Das Senior Post Master, Shillong GPO wa u Riten Kma, Public Relation Inspector Shillong GPO da khana batai u heiyatoh wa ka Postal Saving Schemes wa kynthup ya ka Dak Ghar Niryat Kendra, Dak Seva Kendra, Speed Post and Parcel Post Services  and India Post Payments Bank Services.

U Yash Raj Singh, Inspector of Post, Ribhoi Sub-Division hei e kyntien kam u bru watoh u peit kyrpang ya ka thain Ribhoi da kysru kyntu u ya ki paidbah wow chim ki ya ka kabu ksiar iong I rukom ioh myntoi na ki skim wapher ka sorkar bei kiwa kynthup ya ka India Post Payment Bank, IPPB wa kiwi wei da khana u leh wa kam kani ka prokram pynsniawthuh paidbah u pynman leh ha kyllein ki thaw iong ka Jylla neibynta I iohnong iohmyntoi iong ki bru wa chongchnong ka Jylla khamtam kiwa em ha ki thain nongkyndong.