Da ka dewbilat synniang ki shi paralok sha ka skul ka Balang Presbyterian ha Moolaber

Syllad | The Rising MeghalayaSeptember 10, 2023

Ki san ngut shi paralok kila synniang da ka dewbilat 20 byrni sha ka skul kaba pyniaid daka Balang Presbyterian Moolaber kaba hap haka thain khappud Assam Meghalaya.

Ia kane ka dewbilat kila aiti sha ki bor pyniaid ka skul haka sngi Saitjain.

Kine ki shi Parlok ki dei u Franky Lyngdoh, Justice Paul Lyngdoh, u Romingstar Lamare, u Remdor Lyngdoh bad u Kamio Biam.

Kane ka skul ka dei kaba dang shu sdang ban ban tei ar kamra klas naka bynta ban iarap pynnang pynstad iaki khunlung khynnah jong kane ka shnong.

La iathuh ba kane ka shnong kam don skul bad nongshong shnong ki phah skul iala ki khun sha ki jaka kiba jngai bad Marjan bad kiwei pat ki shnong.