Da ka ‘Digital Literacy’ pynkup bor ka Dalmia Bharat Foundation ia ki shnong ha ki thain nongkyndong ka jylla

Syllad | The Rising MeghalayaFebruary 18, 2024

Ka Dalmia Bharat Foundation (DBF), kaba dei ka Corporate Social Responsibility (CSR) jong ka Dalmia Cement (Bharat) Ltd (DCBL), ka karkhana pynmih dewbilat ba pawkhmat ha ka Ri India ka la wanrah ki sienjam ban kyntiew ïa ki shnong ha ki thain nongkyndong kiba kham sahdien lyngba ki jingai jinghikai da ki kor ki bor jingstad ka juk mynta lane ka digital bad financial literacy ha kane ka jylla Meghalaya.

Kine ki projek ki plielad lyngba ki prokram aijinghikai bapher bapher na ka bynta ki samla shynrang, kynthei ban kyntiew ïa ki sap lyngba ki bor ki kor jingstad bad kyntiew ruh ïa ka ïoh ka kot. Kawei na ki digital literacy ka dei ka prokram “World on Wheels” (WoW), kaba don ïa ki bus ryngkat ki digital literacy lab ban ai ka e-education bad ki digital resource ha ki jaka nongkyndong.

Nalor kine, ka Common Service Lab (CSL) ha Lumshnong ka plie lad bad pynleit jingmut ruh ha ki jinghikai ba kyrpang ha ki bynta digital bad financial literacy. Kine ki sienjam ki la wanrah shibun ki jingkylla, ryngkat ka jingkyntiew ïa palat 250 ngut ki nongshong shnong da kaba plielad ba kin ïeng ha la ki jong ki kjat bad lah ban thaw ia ki lad kamai kajih.

Kawei na ki khana jop na kine ki jinghikai ka dei jong ka Kong Merida Bareh na shnong Mynkre, kata na ka kam ba shu bylla sngi, ka la kylla long ka Office Assistant ba tbit ha kawei ka bynta treikam lyngba ka jingshim bynta ha ka prokram CSL. Ka jingtbit ha ka digital literacy, ka jinglah ban pynkhreh bad ki jingnang ha ka kam ym tang ba ka la kyrsoi ïa ka kam jong ka hynrei ka la kyntiew ïa ka longïing jong ka.

Ha kaba iadei bad ki jingtreikam jong ka kompeni hapoh ka thain, na ka liang u Raju Ranjan Prasad, Asst. Executive Director, Dalmia Cement u la ong, “Ha Dalmia Cement, ngi don ka thong ban kyntiew ïa ka longbriew manbriew bad ka imlang sahlang nalor ka ïoh ka kot ha ki sawdong ki shnong ha ka thain ba ngi don ka jingtreikam. Ha ka pyrthei stad mynta, ka digital literacy ka la kylla long ka hok ban pyndonkam bad ka ai ïa u briew da ki jingtbit ban ïoh ïa ki jingtip, ka jingpynīasoh bad ïashim bynta ha ka ïoh ka kot jong ka pyrthei baroh kawei. Lyngba kine ki prokram, ngi don ka jingthmu ban pynïasoh ïa ki kynhun nongshong shnong ha ki jaka thain nongkyndong da kaba ai ïa ki jinghikai bad jingshakri da ki digital, ryngkat ka jingaibor ban ïeng halade bad kyntiew ïa ka kamai kajih”.