Da ka fete bad ka iakop shad yn pynlong ka seng Kur Dkhar East Jaintia Hills ban tei iing treikam ka kur

Syllad | The Rising MeghalayaApril 1, 2023

Ka Seiñ Kur Dkhar East Jaintia Hills District, kan pynlong iaka fete bad ka iakop shad ba shisngi haka 8 tarik une u bnai Iaiong ha Eastside Inn, Jaliyiah, East Jaintia Hills.

Ka jingthmu jong kane ka fete bad ka iakop shad kalong na ka bynta ban pynmih pisa ban ban tei iaka iing treikam ba pura jong ka seng kur, kaba ka jingtei kala sdang mynta ha ka shnong Mookhep, East Jaintia Hills.

Kane ka fete kan sdang naduh ka por 10:30 AM haduh ka por 10:00 PM mynmiet. Ha kane ka fete kin don shibun jait ki jingialehkai bad ki jingbam nalor ka iew die jain.

Ka Dancing Competition kan dei tang ia ki nongshad ba marwei-marwei (Solo Dancers) bad kan dei ruh ia baroh (Open to all). Ka buskit kan long lai tylli, kata, 1st Prize – Rs. 7000/-, 2nd Prize – Rs. 4000/-, 3rd Prize – Rs. 2000/-.

Kiba kwah ban iashim bynta, kin hap ban register kyrteng shuwa ia lade, da kaba phone ha kine ki number, kata, 9615400135 / 7005079043, naduh ka, 01.04.2023, kata naduh ka por 10.30AM haduh 9:00PM man ka sngi. Yn pdiang tang 20 ngut ki nongiashim bynta.

Ka Entry Fee na ka bynta ki nongiashim bynta kan long Rs. 200/-.

Ki nongiashim bynta kiba lah dep ai kyrteng (register) shuwa ialade, kin hap ban poi ha Eastside Inn, shwa ka 7:00 PM ban ai jingtip ban ioh leh ia kiba donkam.

U Ma MH Dkhar, Ad. Genl. Secy. Seiñ Kur Dkhar East Jaintia Hills District, ula ong ba na kaliang ka seng kur kala kyrpad ia baroh ki parakur Dkhar kiba don ha kylleng sawsong ka Ri Jaiñtia, khamtam eh ia ki parakur Dkhar kiba don ha East Jaintia Hills District, bad kumjuh ruh ia ki paralok parajor baroh ban ia pyllait por ban iawan shit rhem sha ktei ka Fete cum Dancing Compettion jong ka kur ka ban long ha katei ka sngi, ka por bad ka jaka ba la kdew haneng, khnang ba katei ka jingthmu jong ka seng, kan long kaba phuh baphieng, kaba shongkun bad ruh kaba jop pura.