Da ka fete pynlong ka 7 Wasa ban pynmih pisa ban ialehkai football, khot wer ban thied stall

Syllad | The Rising MeghalayaNovember 8, 2022

Ka 7 Wasa Utd kawei na ki klob ialehkai football kaba paw ha Jylla, kaba la long teng ruh ka Champion ka Meghalaya State League bad dangshen ka lahduh haka Futsal kumjuh ka Champion ha Jowai la san sien kynthih haka lympung Super Division ka WJDSA kala rai ban pynlong da ka fete ban pynmih pisa iaka klob.

Kane ka fete ka 7 Wasa Utd kan long haka 25 bad 26 tarik u bnai Naiwieng ha Mooralong Ladthadlaboh, Jowai mar pyrshah ka skul Tome Memorial Secondary School, Jowai.

U Monlang Nongtdu u trai ka klob, ula ong ba ki pynlong da ka fete ban ioh pynmih pisa na ka bynta ban pynlut pynsep ha ki kam ialehkai ba iashimbynta ka 7 Wasa ha ki lympung bapher bapher ha Jylla. Ula ong ka kam ialehkai ka dei kaba heh bha ka jinglut jingsep katta naduh ban pynbiang iaka bam ka dih ki nongialehkai haka por kilan, kumjuh ka bai leit bai wan nalor bad siew nong iaki player kumta ngi hap ban treishitom bha ban kynshew iaka pisa ban ioh ha kaban iashimbynta ha ki kam ialehkai football.

Ula ong ba na kaliang ka 7 Wasa ka khot bad wer sngewbha ia kino kino kiba don jingthmu ban kyrshan iaka 7 Wasa Utd ban thied iaki dukan ne stall ha kane ka fete kum ka lad ban iarap iaka klob.

Kino kino kiba kwah ban thied ia ki dukan ki lah ban phone ha kine ki nomber ban ioh iaka jingtip ba khambniah 8132924995, 9612853307, 8257027421.