Da ka Gandhi Jayanti’s Week pynlong ka MBS&G ha West Jaintia Hills

Syllad | The Rising MeghalayaOctober 3, 2020

Ka 2 tarik u October (Risaw) ka sngi kha u kpa ka ri Mahatma Gandhi (Gandhi Jayanti) kadei kawei naki sngi ba kyrpang hapoh ka Ri India haka juh ka por ka pyrthei shityllup ka rakhei ruh iaka sngi kha une u riew khraw kum ka International Day of Non Violence ia kaba la pynbna da ka United Nation General Assembly ha ka 15 tarik Naiynru 2007.

Ka Meghalaya Bharat Scouts & Guides, West Jaintia Hills District kum shibynta ban leh burom ia kane ka lyngkhuh sngi kha snem ba 151 snem u Mahtma Gandhi ka la shim ban pynlong ka prokram ba shitaiew lynter ka ban sdang naduh ka 2 tarik mynta u bnai bad kan kut ha ka 9 tarik jong une hi u bnai. Ha kine ki shitaiew yn pynlong ia ka jingiakop draw dur, jingiaid kjat (trekking), ka jingiakop thoh quotes halor ka jingim u Mahatma Gandhi nalor kiwei kiwei.,

Ha ka jingialang ple pyndonburom ne ka opening Ceremony la iadonlang u Ma W Lyngdoh, Jt. State Secretary MBS&G, State Head Quarter, Shillong kum u kongsan, ka Kong S Tariang, District Commissioner (G) West Jaintia Hills kum ka symbood kongsan, u Ma Ohiwot Laloo, District Secretary MBS&G, West Jaintia Hills, ki Scouts Master bad ki Guides Captain.

Ha ka jingialang ba lyngkot ba la pyniaid da ka S Shylla, District Organizer (G) West Jaintia Hills District laioh ia ki kyntien pdiang burom na u Elvis Dkhar, District Organiser (S), West Jaintia Hills District katba ka Chwadaka Laloo, Guides Captain haba kut ka ai ki kyntien khublei.

U Ohiwot Laloo, District Secretary, MBS&G West Jaintia Hills haba ai jingkren jingbatai ha ka jingiadei bad kane ka prokram u la iathuh ba ha kane ka shitaiew lynter ki khynnah Scouts bad Guides kin iashimbynta ha kata ka rukom ban khring ia ka pyrkhat pyrdain jongki shaphang ki kam kiba iadei bad ka jinglong jingim u Mahtma Gandhi bad shuh shuh ha kane ka sngi la leh burom ruh ia ki nonghikai kiba la ioh ia ka khusnam Best Scout Master bad Guides Captain.

Ka Kong S Tariang haba kren ha kane ka ka khot bad wer ia ki para dkhot baroh ba kin long ki briew kiba ieit ia ka jingsuk kaba long kawei na ki jinghikai jong u Mahatma Gandhi, shuh shuh ka ai mynsiem ruh ia ki ki Scouts Master bad Guides Captain ba kim dei ban hun tang ba ki laioh ia kane ka burom, bad to long ruh ki nongtbeh sharak jingshai bad  jingsuk hakhmat ka pyrthei.

U Ma W Lyngdoh haba kren kum u kongsan, u iaroh ia ki bor pyniad ka District Association kiba la pynlong ia kum kane ka prokram bakhampher ha kum kane ka sngi. u da kyntu jur ruh ia ki dkhot ka Bharat Scouts- Guides ba kin long ki briew kiba iaid ryngkat bad ka jingieid ialade, ieid ia ki para briew bad haba ka jingieid ka synshar ka jingsuk bad ka jingiatyllio ruh ka don.  Haba pynkut iaka jingkren u Ma W Lyngdoh, u ong wat ai ba ka jingtynjuh jong kane ka por kan long ka jingkutlad, shimkabu ia ki buit treikam jong kane ka juk ka por lyngba ki kor kompiwtor.