Da ka hattrick u Elast Dkhar jop ka Myrjai 6 kol iaka Umchangiar Third Div ka WJDSA
U Elast Dkhar ula kylla long u namtam hadien ba ula khyrwit iaka hattrick bad lah ha ka ban btin lynti iaka Myrjai ban khur iaka nam jop kaba bun kol 6-0 pyrshah iaka Umchangiar haka jingialehkai Third Division Football Tournament- Ka 4th Adlebert Laloo Memorial Trophy kaba pyniaid da ka West Jaintia District Sports Association (WJDSA) kaba long ha Kiang Nangbah haka 24 tarik Naitung.
U Elast marwei ula khyrwit saw kol (7, 10, 57, 62). Sa ar kol la iarap thep da u Ngaitlang Lamare (22) bad u Sperbha Syntem (33).
![](https://www.syllad.com/wp-content/uploads/2024/09/JIT-Vacancy-823x1024.avif)
Shuwa kane ka jingialehkai ka jingialehkai hapdeng ka Iooksi Welfare pyrshah iaka Pynthor Langtein kala kut da kaba iakhaid mar 1-1. U Reshan Paslien (5) ula thep iaka kol ka Iooksi, katba nakaliang ka Pynthor Langtein la thep da u Sniawhun Suting (7).
Ka Mookynphad Mihmyntdu kala pynliem da 1-0 iaka Youth Welfare Pynthor. Ia kane ka shikol la thep da Wailad Shylla (22).
Haka jingiakhun kaba khatduh jong ka sngi, ka Pasyih Cultural kala jop da 2-1 iaka West Madan Mustem. Ka West Madan Mustem kala iohshuwa ban pynkhih iaka jar lyngba u u Zumi Tariang (22) bad kane ka kol kala neh haduh ba la kut ka kylla step.
Dei haka kylla miet ka Pasyih kala ioh ban pynphai bad pyntam shikol haka minit kaba khatduh lyngba u Deiwi Rymbai (54) bad u Phem Dkhar (70+1).
Leave a Reply