Da ka iakop dor dur bad thoh slogan pynlong ka WWO Seinraij Jowai ban kynmaw iaka sngi iap U Kiang Nangbah

Syllad | The Rising MeghalayaDecember 29, 2021

Kum shibynta ban rakhe iaka lyngkhuh sngi iap ba 159 U Woh Kiang Nangbah, khlawait ka Ri ka ban long ha u Nohprah 30 tarik, ka Women’s Welfare Organisation Seinraij Jowai ha ka sngi ba ar kala pynlong iaka iakop Drawing bad Slogan kaba iadei bad U Kiang Nangbah.

Ka jingthmu jong kane ka jingiakop kalong ban iathuh iaka khana U Kiang Nangbah bad ban pynneh pynsah iaka khana shaphang jong u halor ka jingialeh pyrshah jong u bad ki phareng kiba la thombor iaka riti dustur jong ka jaidbynriew.

Ka jingiakop ka kynthup iaki khynnah hadpeng 6-10 snem, 11-14 snem  bad 15- 18 na ka bynta ka jingiakop dor dur bad haka Slogan writing ka dei naduh 11 snem shaneng. Iaki nongjop yn sam khusnam lashai ka sngi.