Da ka iakop Golden Climb, Marathon yn pynlong ka JTES ban rakhe iaka jingioh jylla ba 50 snem | Kiba jop kin ioh ka khusnam pisa

Syllad | The Rising MeghalayaMarch 12, 2022

Ka Jaintia Tourism and Environment Society, Jowai, kum shibynta ban lehkmen ïaka jingdap 50 snem ka Jylla Meghalaya kan  pynlong ïaka jingïakop kiew maw kyndon  kaba la tip kum ka “Golden Climb” ne “Stairway Climbing Competition”.

Kane ka jingïakop kan sdang naduh ka por 10.00 baje mynstep jong ka 26 tarik une u bnai ha Jingkieng Myntdu haduh Caroline Colony kaba don kumba 400 tam ki maw kyndon.

Kino kino ki kiba kwah ban ïashim bynta ki lah ban ai (register) ïaki kyrteng jong ki ha dukan u Ma Philemon Lyngdoh kaba don ha Mission Compound Jowai ha lane shwa ka 15 tarik une u bnai. Ka bai rung ka long T.50 marwei.

Ki khusnam ki long ka 1st Prize 4000 tyngka, 2nd Prize 3000 tyngka 3rd Prize 2000 tyngka ryngkat ka syrnod (Certificate). Baroh ki nongïashim bynta kin ïoh ïaki  Consolation Prize.

Haka 23 tarik Ïaiong (April) pat kan don ka Marathon halor ka phang “Roads/Highways Cleanliness for Healthy Environment” ka ban sdang naduh ka por 8.00 baje mynstep naduh na Lad By-Pass Jowai, Thadlaskeiñ haduh Jrisaleiñ.

Ki khusnam ki long ka 1st Prize 5000 tyngka, 2nd Prize 3000 tyngka bad 3rd Prize 2000 tyngka ryngkat ka syrnod (Certificate)

Ïaki jingtip ba kham bniah lah ban phone ha kine ki Number 9862927501, 9436106341.

Ha kane ka juh hi ka sngi kan don ruh ka jingpynkhuid ne Cleaning Drive ïaki bynta ka surok Jowai-Shillong Road ka ban sdang na Shallam–Syngkon Petrol Pump haduh Hill Top Restaurant naduh ka por 10.00 baje mynstep shaneng.