Da ka ialehkai drama pynlong ka KNIKMS shaphang ki khlawait ka Ri ha Jowai.

Syllad | The Rising MeghalayaDecember 29, 2021

Ka Kiang Nangbah Iasiat Khnam Memorial Society, Jowai ha ryngkat ka jingiatreilang bad ka District Administration kala pynlong iaka jingialehkai drama “Narration Drama Competition on any Freedom Fighter of the Nation” shaphang ki khlawait ka ri kiba la iakhun pyrshah bad ka sorkar phareng.

Ia kane ka jingialehkai drama la pynlong ha iungwalieh ka Loompyrdi Iongpiah haka sngi Balang.

Kane ka jingialehkai drama ka dei ruh shibynta ban rakhe iaka lyngkhuh sngi iap ba 159 snem U Kiang Nangbah bad ka Azadi ka Amrit Mahotsav, ka jingrakhe iaka jingioh laitluid ba 75 snem ka ri India bad ka jingrakhe iaka jingdap 50 snem ka jingioh jylla ba pura.

U Ma Saron Paswet Executive Member Jaintia Hills Autonomous District Council (JHADC) ula long u kongsan haka jingiadonlang u president KNIKMS Pearlet Toi, Chairman Drama Competition Jait dao Sumer nalor kiwei kiwei.

Ha kane ka jingialehkai drama la iashimbynta da ki 5 tylli ki kynhun kiba kynthup ka kynhun na Chilliangraij, Ïongpiah, ka kynhun HPJ Group na Panaliar, ka Phi Wa ïahluti Production na Raliang bad ka Lamlyer Group na Shangpung.

Ka drama shaphang U Kiang Nangbah la leh da ka Chillaingraij, Loompyrdi Iongpiah, Ia U Kiri Dolloi da ka Lamlyer Group na Shangpung bad ka Panaliar iaka Begum Hazrat Mahal kawei na ki kynthei ba nyngkong jong ka ri kaba ïeng ïaleh pyrshah ïaka sorkar phareng ha ki snem 1857.

Ka Lumpyrdi Ïongpiah ka la long ka kynhun kaba jop ha kane ka jingiakop.