Da ka ïing kaba T. 1 lak tei ka village organization iaka dkhot SHG ba duk tam haka shnong Pammanik

Syllad | The Rising MeghalayaJanuary 31, 2023

Ka thong jong ki Village Organisation (VO) bad Self Help Group (SHG) kalong ban iarap bad ban kyntiew iaka lad iohkam iohjam bad ka ioh ka kot jong ki longkmie ha nongkyndong, bad ka khubor kaba lam sngewtynnad kalong ba kine kynhun kila tynrong halade iaka jingkitkhlieh ban iarap kylliang ia para dkhot kiba duk ba kyrduh da kaba tei iaka iing jong kawei ka dkhot SHG na ka shnong Pammanik, ka shnong kaba hap ha West Jaintia Hills District.

Kane ka dkhot SHG ka dei ka kong Mahiia Sajem kaba dei ka dkhot SHG jong ka Pynshlur SHG bad kadei kaba duna bha haka ioh ka kot. Nalor kata kane ka longkmie kaba don jingduna haka bor met bad ka don 5 ngut ki khun.

Da ka jinglam khmat ka Pynbha VO jong ka shnong Pammanik kaba don hapoh Laskein Block kaba peit ruh iaki 42 tylli ki SHGs kiba ka thaw da ka Meghalaya State Rural Livelihood Society (MSRLS, BMMU Laskein Block) kila tei iaka iing ka Mahiia haka jinglut kaba T.100525/-.

Ka Pynbha VO hadien ba ki la iohi ia kane ka longïing ba ka don ka jingeh kumta ki la rai ha ban leh ei ei da kaba sdang ban ia pynmih pisa hadien bala ioh jingbit na ka shnong lyngba u Waheh Shnong. Hadien katto katne por ba ki ioh pisa  ki la sdang ban  shna ing ia haduh ban da dep ka ha ka jinglut ka la kot haduh Rs.100525 tyngka bad ia kane ka jinglut jingsep baroh la pynlut hi da ka VO ha ka jingiatrei lang jong baroh ki SHGs kiba don hapoh ka VO.

Ka Pynbha VO haka 28.01.2023 kila ioh ban aiti ia kane ka ïing sha ka Kong Mahiia Sajem da kiba la pynlong ia ka jingialang ha phyllaw ka ïing.

Ia ka jingialang la pyniaid da kong Nehipaia Dhar Persident jong ka VO ha shwa ban sdang ka jingialang la ioh iaka jingduwai na ka kong Handa Talang bad la ioh ruh iaka jingkren na u Waheh Shnong Pammanik Ma RF Talang,

Naka liang jong ka VO la kren da ka Kong Firsterborn Talang, U Ma CFS Khonglah na ka liang ka office BMMU Laskein bad la ioh ruh i aka jingkren na ka kong Mahiia Sajem.

U Ma B Shylla ula long kum u kongsan ban sakhi ia kane ka kam ba bha ka Pynbha VO bad u kitbok kitrwiang ia ka Pynbha VO ban kan nang trei shitom shuh shuh nangne sha khmat ia ki kam ba bha jong ka. La ioh ki kyntien ai khublei na ka Kong Yooda Suchiang.