Da ka jingai snam sngewbha pynlong ka I Duk I suk Committee ka DS Loompyrdi Iongpiah

Syllad | The Rising MeghalayaOctober 28, 2024

Ka Loompyrdi Iongpiah Dorbar Chnong lyngba ka I Duk I suk Committee ryngkat ka jingiatreilang ka Jowai Civil Hospital Blood Bank haka 26 tarik Risaw kala pynlong da ka Voluntary Mass Blood Donation ne ka jingai snam mon sngewbha.

Hashwa ba ki nongsong shnong kin synniang sngewbha iaka snam, kala don ka jingialang ha Iungwalieh ka Dorbar Shnong ba la pyniaid da u Chairman I Duk I Suk Committee Ribait OO Pde bad ki jingkren lyngkot na u Waheh Shnong RL Bimee Suwer.

Ha kane ka prokram ki la don 13 ngut ki dkhot ka Committee kiba la mih shakhhmat ban noh synniang ïa la ka snam.

Ka Dr. I Khyriem Senior Medical & Health Officer Jowai Civil Hospital Blood Centre kala ai ka jingïaroh iaka sienjam ba la shimti da ka I Duk I Suk Committee haka thong ban iarap iaki para briew kiba donkam snam kyrkieh haka pang ka shitom.