Da ka jingai snam sngewbha rakhe Republic Day ka shnong Chilliangraij

Syllad | The Rising MeghalayaJanuary 26, 2022

Ka Dorbar shnong Chilliangraij ryngkat ka jingïatreilang ka Meghalaya Aids Control Society, National Health Mission kum shibynta ban rakhe ïaka 73rd Republic Day kila pynlong da ka Awareness Cum Voluntary Blood Donation Camp ha Jowai Civil Hospital Blood Bank, Jowai haka sngi Balang.

U Oriland Shylla, general secretary, Dorbar shnong Chilliangraij ula pyniaid iaka jingialang kaba lyngkot shuwa ban ai snam sngewbha, u DH Pde Waheh shnong Chilliangraij ula kren ai mynsiem ïaki khun ka shnong kiba ïa don bynta lang ban pynlong ïa kane ka sngi kaba jop.

Ka Dr P Shylla, Medical & Health Officer In charge Blood Bank, Jowai Civil Hospital ka la batai shaphang ka Blood Donation bad ha kajuh ka por ka la kyntu ïaki nongshong shnong ban bud nuksa ïaka Dorbar Chnong Chilliangraij.

Ka Dr Shylla kala iathuh ba katba nangmih ki sngi ki briew kila sngewthuh ïaka jingkordor jong ka jingai snam naka bynta ban iarap iaki para briew kiba donkam snam. Kala ïathuh ba bun ka snam ba ïoh ban ïarap ïaki briew dei na ka jingkloi ki nongshong shnong ban pynlong iaka jingai snam sngewbha ne voluntary blood donation.

Ka Dr. P. Shylla ka pynpaw ba ka dap da ka jingsngewnguh bakhraw ïaki khun samla ka Dorbar shnong Chilliangraij bad ka khmih lynti ba kane ka kam ïarap para briew kan ïai bteng na ki por sha ki por.