Da ka jingiaid kjat na ki lynti u barim pynlong ki samla na East Jaintia Hills
Ki spah ngut ki samla kynthei bad shynrang ki la shim bynta haka jingïaid kjat na ki lynti u barim ba la pynlong da ka Trekking & Adventure Enthusiasts kaba la sdang naduh Dkhiah West,. Khliehriat haduh ha Suchen.
Hashwa ban shim bynta ki samla haka jingïaid kjat, u Dr R. Phawa ula batai ïaka jingthmu jong ka Trekking kaba kum ki nongshong basa ki donkam ban ïeid bad sumar sukher ïaka mei mariang.
La ïoh ruh ka jingkren jingkyntu bad duwai na u Tbn Lovely Dkhar uba dei u Headmaster Dkhiah Presbyterian Secondary School.
Ka jingïaid ka sdang naduh ïing Club Moothathlen wah Mynkseh, Nongkhlieh, Ïaw pynsiñ Rymbai bad la ïaid ruh lyngba ki lynti ba rim ba juh leit ïew ki nong Suchen mynshwa kiba dang neh haduh mynta. La kiew ruh ïa u riat ka shnong Deiñshalalu bad ïaid lynter ki lynti rim haduh ban da poi hajan ka wah Umkyrdeiñ.
La rung sha ka diang jong ka shnong Ïapmala na ka wah Khahare haduh ban da poi ha Suchen shnong Rim kaba dei ka shnong ba la rim bha ha ka thaiñ East Jaintia bad bun ki dak ki shin jong u mynbarim ki dang neh haduh mynta.
Ynda ka poi ha Tyrneiñ Loom Suchen la pdiang sngewbha ïaki samla da ki longkmie longkpa bad khynnah jong ka shnong Suchen bad ïaka history lyngkot shaphang ka shnong Suchen la ïathuh da u Emmon Sumer.
Kum ka jingsngewburom ïaki trai shnong, ka la don ruh ia jingai sngewbha sha ki lai ngut ki riew rangbah kiba kynthup u Jiren Swer, u Muni Swer bad u Kidras Sympli kiba dei ki nongïalam bad nongprat lynti ïaki samla ha kane ka jingïaid kjat.
Hadien ka Trekking la pynlong ïaka Free Medical Camp ha Suchen Tyrneiñ Loom haka jingpeit jong u Dr. R. Phawa bad ka kynhun na Ïong-i-Medicine.
Facebook
Instagram
Youtube
Twitter
Leave a Reply