Da ka jingiakhih ba jai jai yn pynlong ka CoMSO shuwa ban wan u Amit Shah

Syllad | The Rising MeghalayaJanuary 20, 2021

Ka CoMSO kala rai ban pynlong da ka jingiakhih kaba jai jai haka 21 tarik shuwa ban wan Union Home Minister Amit Shah ban pyniaid iaka 69^th plenary session jong ka NEC ha ka 23 tarik une u bnai.

U Roykupar Synrem, Secretary, CoMSO ula ong ba kila pynbeit ban thang mombati ha baroh ki district headquarter haka 21 tarik ban dawa pyntreikam noh ia ka ILP bad kumjuh ruh ban dawa na u Lat ban soi noh ia ka MRSSA (amendment bill) 2020.

“Ngi la ia Rai ba ha ka sngi 21.1.21 kaba dei ka Meghalaya Day ngin pynlong ka jingiakhih ban pynpaw ba ngi sngewsih iaka jingmynthi ka sorkar India bad ka Sorkar Meghalaya ban pyntreikam noh ia ka ILP..ka ka jingbym mynjur u Lat ia ka jingpynkylla iaka MRSSA, ka jing bym pat pynbeit ia u pud u sam ka Jylla, ka jing sahkut sah ka issue Them Metor bad kumjuh ruh ka jing dawa ban pynrung ia ka ktien Khasi ha ka Eight Schedule,” la ong u Roykupar.

Ula ong “Namar ka jingwan u Amit Shah, Union Home Minister ka Ri ha Shillong bad ka donkam ban ioh ia kren markhmat bad u ban ia shai noh halor ka resolution jong ka ILP bad ka MRSSA amendment bill 2020 ngi la shim shwa ban don da ka jingiakhih ba jai jai.”

Kane ka jingthang mombati kadei halong ka phang pdeng “Ka Sngi Sngewsih ia ka Mynthi ki Korbarri” bad ka jingthang mombati kanlong naduh ka 3pm haduh 6 pm. Ha Shillong yn pynlong ha Madan Malki bad yn kynmaw burom ruh iaki nongialeh Hill State.