Da ka jingiakhun ka 7 Wasa vs Rangdajied FC yn sdang ka Meghalaya State League ha Jowai lashai ka sngi

Syllad | The Rising MeghalayaMay 11, 2023

Ka lympung ialehkai football kaba heh tam ha ka jylla- Meghalaya State League kan sdang ha ka sngi Thohdieng ha Kiang Nangbah Stadium ha ka por 3pm. 

Ka Meghalaya State League, ka samoi kaba lai,  kan sakhi ia ka jingialehkai hapdeng ka Niaw Wasa United pyrshah ia ka Rangdajied United kiba la ju paw bha ha ki ar tylli ki samoi ba la dep.

Ia ka MSL la pyniaid da ka Meghalaya Football Association (MFA) bad la kyrshan ka Directorate of Sports and Youth Affairs.

Ka Jowai Zone, ka dei ka jingialehkai kaba heh tam jong ki saw tylli ki Zone ba la phiah ban don 7 tylli ki kynhun kynthup ka  Ladthadlaboh SC, Sein Pynbhalang SC, Youth Club Pdengkarong, Rymbai Iawpynsing SC bad ka Mulait United FC. 

Ka tiket na bynta ka jingialehkai lashai lah ban thied na jaka ba don ka jingialehkai. Ka Fan Zone kan pynbyrngia da ki jingtem bad jingrwai ha kaba ka nongrwai ka Jessie Lyngdoh, kan pynshongshit ia ki paidbah ha kane ka sngi. 

U myntri ka tnat ialehkai ka jylla u bah Shakliar Warjri un long u kongsan ban don lang u MLA ka thain u bah Wailadmiki Shylla bad kiwei.