Da ka jingkieng kaba 4 klur tyngka pyniasoh u Nujorki Sungoh iaka shnong Umsalait bad kiwei

Syllad | The Rising MeghalayaJanuary 4, 2023

Ka jingangnud kaba la slem bha u paidbah ka thain Iooksi Umsalait, khamtam iaka shnong Umsalait kaba hap ban kam shilliang iaka wah Mynsar kala urlong noh hadien u MLA Mowkaiaw u ma Nujorki Sungoh ula pynioh iaka jingkieng kaba haduh T.4 klur kaba pyniasoh iaka shnong Umsalait, Iooksi bad kiwei kiwei ki shnong ba marjan nalor ka Assam.

Mynshuwa ki paidbah ka thain Umsalait Iooksi ki lait ban kam shilliang iaka wah tang haka por tlang (Peit iaka dur kaba haneng). Ka lynti kaba na ka wah ka dei kaba la shu siang dewbilat ban pynsuk iaka iaid ka ieng u paidbah, hynrei haka por lyuir ba heh ka um ki paidbah ki sahkut bad kim lait satia ban kam shilliang iaka wah.

Ia kane ka jingkieng u Ma Nujorki Sungoh uba dei u MLA ka Mowkaiaw ula plie paidbah ia kane ka jingkieng haka sngi Balang haka jingiadonlang u waheh shnong Biwel Lapasam, ki engineer PWD ba kynthup ia u Ma D Tariang Executive Engineer PWD Shangpung Division, Shangpung, u Ma K Pakma Assistant Executive Engineer PWD Shangpung Division, u BDO Laskein Barstar Niang bad kiwei kiwei. Iaka jingialang la pyniaid da u W Talang.

https://youtu.be/AKzNh9bchC4

U Ma Nujor haba kren haka jingialang kaba long ha shnong Umsalait ula ong ba haka jingïaid lynti kum u nongmihkhmat ha kine ki san tylli ki snem, ki surok shnong kiba la shna kila kot kynjoh sha 140 kilometre. Ar tylli ki jingkieng heh kiba la shna ki kynthup iaka Umsalait bad ka jingkieng halor ka wah Myntang kaba pyniasoh iaka shnong Saba bad ka shnong Mooshrot.

https://youtu.be/AKzNh9bchC4

Ula ïathuh 10 tylli ki skul kiba ula dep ban pynshna bad pynïoh sanction na bynta ban pynïoh ïaka building kaba thymmai khnang ban pynsuk ïaki khynnah bad ban ïoh ïaka jaka pule puthi kaba bit kaba biang kaba da na u slap bad ka sngi.

Ha kane kajuh ka sngi u MLA ka thain ula pynbna ba shen yn sa sdang noh iaka jingtei iaka iingskul Government LP school ha Umsalait haka dor kaba 44 lak tyngka.

Shuh shuh ula ïathuh ba la pynïoh ïa kawei ka Residential School hapoh ka Constituency kaba la tip kum ka Eklavya Model Residential Schools (EMRS) kaba dangsah kadei sa tang ban ap ïaka sanction bad la dep ban approved na ka liang ka Education dept.

Kane ka skul kan ai jingmyntoi ym tang ïaki ar ne lai tylli ki shnong hynrei bun ki khynnah na ki shnong bapher bapher kin ioh jingmyntoi na kane ka skul.

Haba ïadei bad ka jingkoit jingkhiah ula ong ba dang don shibun tylli ki shnong kiba dei ban buh ïaki sub center bad ha kaba ïadei bad kane u la pyrshang ban ïaid lynti bad kyrmen ki katto katne tylli ki sub center kin wan ha kine ki por ban wan shakhmat.