Da ka jingpynkhuid shnong rakhe ïaka lyngkhuh snem ba 150 u Kpa ka Ri ha East Jaiñtia

Syllad | The Rising MeghalayaOctober 2, 2019

KHLIEHRIAT: Naduh ka ophis u Deputy Commissioner, East Jaiñtia Hills, ki shnong bapher bapher kum ka Byndihati, Dkhiah, Ratacherra bad kiwei kiwei ki shnong kila rakhe pyndonburom ïaka lyngkhuh sngi kha ba 150 snem u Kpa ka Ri u Mahatma Gandhi da ka jingpynkhuid shnong.

U Deputy Commissioner jong ka East Jaiñtia Hills Bah FM Dopth kum u khlieh ka District ula ïalam khmat ban pynkhuid ïaki iew ki jaka paidbah ban ïalap na ka bynta ban pynlong ïaki shnong ki thaw kiba khud ba suba.

U Bah Dopth haba kren ula ong ba sorkar kala sdang ïaki Swachhta Hi Seva ban ïalap ïaka jingkongsan ka khuid ka suba ha ki jaka iew, jaka paidbah bad ki shnong ki thaw.

U la ïathuh ruh ba ka jingpyndonkam ïa ki plastik ka long kaba sniew bha bad ka pynsniew ruh ïaka sawdong sawkun ka mariang. Ula ong bun ki shnong kila ïatreilang ban sangeh pyndonkam plastic bad u kyrmen ba da ka jingïatreilang u paidbah kin lah ban wanrah jingkylla haka imlang ka sahlang ban tyngkai ïaka mariang bad ki jingthaw ba im baroh.