Da ka jingtohkit magistor thung u DC EJH halor ka jingioh dewiong ki Coke Factory

Syllad | The Rising MeghalayaMarch 11, 2021

U Deputy Commissioner, East Jaintia Hills District ula thung da ka jingtohkit magistor halor ka jingioh dewiong ki kharkhana saiñ rnga dewiong (Coke Factory) kiba don hapoh ka District.

Kane ka jingthung tohkit magistor halor ki kharkhana sain rnga dewiong kadei hadien ba ujor ka East Jaintia National Council (EJNC) kaba la dawa na u DC ban tohkit nangno kine ki kharkhana ki ioh dewiong ban thang hadien ka jingkhang ka NGT ban tih dewiong naduh u snem 2014.

U Sambormi Lyngdoh, president EJNC ula ong ba u DC ula ong ba kan shim por haduh 4 sngi ban ioh iaka kaiphod u magistor halor ka jingioh dewiong ki kharkhana sain rnga dewiong ha katei ka district.

“Ngi shimkhia ban buddien halor ka jingieng rasong kine ki kharkhana namar ba kam shym la wanrah jingmyntoi iano iano, hynrei tang iaki riew shimet. Kine ki kharkhana ki ktah iaka mariang bad ka koit ka khiah ki nongshong shnong ba ieng kine ki kharkhna nalor ba ki pynjaboh iaki tyllong um,” la ong u Sambormi bad bynrap ba baroh kine ki kharkhana kim shym la bud ryntih ia ki aiñ iada mariang jong ka Ri.